బాబు తెరాస ఆఫీసుకు వెళ్తారా?

రాజకీయ వర్గాల్లో ఆసక్తికరమైన చర్చ జరుగుతోంది. తూర్పు పడమర అవుతుందా అని నవ్వుకుంటున్నారు. అందుకు కారణం - రాజకీయాల్లో తలపండిన రాజకీయ చాణక్యుడు నారా చంద్రబాబు నాయుడి ప్రకటన. తనపై వచ్చిన విమర్శలకు సమాధానం చెప్పే సందర్బంలో ఆయన తాను తెలంగాణ రాష్ట్ర సమితి (తెరాస) కార్యాలయానికైనా వెళ్తానని అన్నారు. నిజంగానే, చంద్రబాబు తెరాస ఆఫీసుకు వెళ్తారా అనే ప్రశ్న వేసుకుంటే అది సాధ్యం కాదని కచ్చితంగా చెప్పవచ్చు.

గత ఎన్నికల్లో చంద్రబాబు తెరాస అధినేత చంద్రశేఖర రావుతో పొత్తు పెట్టుకున్నారు. ఆ సందర్భంలో కూడా చంద్రబాబు తెరాస కార్యాలయానికి వెళ్లలేదు. కెసిఆర్ ఇంటికి వెళ్లారు. కెసిఆర్ చంద్రబాబు ఇంటికి వెళ్లారు. పొత్తు చర్చలన్నీ ఇళ్లలోనే జరిగాయి గానీ పార్టీల కార్యాలయాల్లో జరగలేదు. ఇప్పుడు చంద్రబాబు తెరాస కార్యాలయానికి వెళ్తారనేది నమ్మే విషయమేమీ కాదు. ఆ విషయం ప్రకటన చేసేటప్పుడు చంద్రబాబుకు కూడా తెలుసు.

English summary

TDP president N Chandrababu Naidu's comments became a debatable point in political circle.