జగన్‌ వెంట ప్రిన్స్ మహేష్ బాబు?

By Pratap

Published: Wednesday, July 6, 2011, 8:50 [IST]

ప్రిన్స్ మహేష్ బాబు వైయస్సార్ కాంగ్రెసు పార్టీ అధ్యక్షుడు వైయస్ జగన్ వెంటే ఉంటారా అనే ప్రశ్న ఉదయిస్తోంది. తండ్రి సూపర్ స్టార్ కృష్ణ వైయస్సార్ కాంగ్రెసు పార్టీలో చేరాలని నిర్ణయించుకున్న విషయం తెలిసిందే. తండ్రితో పాటు తనయుడు మహేష్ కూడా వైయస్ జగన్ వెంట ఉంటారనే ప్రచారం జరుగుతోంది. అయితే, కృష్ణ సతీమణి విజయనిర్మల తనయుడు నరేష్ వైయస్సార్ కాంగ్రెసులో క్రియాశీలక పాత్ర పోషించేందుకు సిద్ధపడ్డారు. ఆయనకు రాజకీయాల్లో అనుభవం ఉంది.

నరేష్ వైయస్ జగన్ వెంట నడుస్తుంటే, మహేష్ బాబు వైయస్సార్ కాంగ్రెసు పార్టీలో క్రియాశీలక పాత్ర పోషించే అవకాశాలు తక్కువేనంటున్నారు. నిజానికి, మహేష్ బాబుకు బయట గొడవలు పెద్దగా పట్టవు. గుంపులోకి రావడం బహుశా ప్రిన్స్‌కు ఇష్టం ఉండదనుకుంటా. ఏదో సినిమాలు చేస్తూ పోవడమే ఆయన తెలిసిన విషయమంటారు.

Published On July 6, 2011