ఆ ముగ్గురి వెనక వైయస్ జగన్?

By Pratap

Published: Wednesday, November 2, 2011, 8:06 [IST]

రాజకీయాల్లో ఎత్తులు జిత్తులు మామూలే. వైయస్సార్ కాంగ్రెసు పార్టీ అధ్యక్షుడు వైయస్సార్ కాంగ్రెసు పార్టీ అధ్యక్షుడు వైయస్ జగన్ కూడా తెలంగాణలో వ్యూహాత్మకంగా వ్యవహరిస్తున్నట్లు భావిస్తున్నారు. కాంగ్రెసుకు చెందిన ముగ్గురు తెలంగాణ శాసనసభ్యులు తెలంగాణ రాష్ట్ర సమితి (తెరాస)లో చేరి ఆ పార్టీ అధినేత కె. చంద్రశేఖర రావు శరణు కోరడం వెనక వైయస్ జగన్ హస్తం ఉందని గిట్టనివారు ప్రచారం సాగిస్తున్నారు. తెలంగాణలో తన పార్టీలోకి వచ్చే పరిస్థితి లేకపోవడంతో జగన్ తెరాసను తనకు అనుకూలంగా మలుచుకుంటున్నట్లు చెబుతున్నారు.

శాసనసభ్యులు సోమారపు సత్యనారాయణ, రాజయ్య, జూపల్లి కృష్ణారావు కాంగ్రెసుకు గుడ్ బై చెప్పి తెరాసలోకి దూకారు. వారు తెరాసలో చేరడం వెనక ఫారిన్ హ్యాండ్ ఉందని కాంగ్రెసు నాయకులు కొంత మంది నర్మగర్భంగా వ్యాఖ్యానిస్తున్నారు. ఆ ఫారిన్ హ్యాండ్ వైయస్ జగన్‌దేనట. ఏమైనా, తెరాసను జగన్ తన కవర్‌గా వాడుతున్నారనే ప్రచారం విస్తృతంగా సాగుతోంది. ఇది కెసిఆర్ సత్తాను తక్కువ చేయడానికి జరుగుతున్న ప్రచారమా అనే చర్చ కూడా సాగుతోంది.

Published On November 2, 2011