• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

నిన్న చెర్రీ నేడు మోక్షజ్ఞ: చిరు దారిలో బాలకృష్ణ

By Srinivas
|

Chiranjeevi - Balakrishna
యాధృచ్చికమైనా నందమూరి హీరో బాలకృష్ణ మెగాస్టార్ చిరంజీవిని అనుసరిస్తున్నట్లుగా ఉంది. చిరంజీవి తన రాజకీయ రంగ ప్రవేశానికి కొద్ది రోజుల ముందు తన తనయుడు రామ్ చరణ్ తేజను తెలుగు చిత్ర పరిశ్రమకు పరిచయం చేశారు. ఇప్పుడు బాలకృష్ణ కూడా అదే దారిలో నడుస్తున్నట్లుగా కనిపిస్తోంది. ఇటీవల శ్రీమన్నారయణ చిత్ర ఆడియో విడుదలకు బాలయ్య తన తనయుడు మోక్షజ్ఞను తోడ్కొని వచ్చారు. బాలయ్య ఏ సినిమా ఫంక్షన్‌కు తనయుడిని వెంట బెట్టుకు రాలేదు.

ఇప్పుడు మోక్షజ్ఞతో రావడంతో ఆయన రాజకీయ ఆరంగేట్రం సాధ్యమైనంత త్వరగా ఉంటుందనే వ్యాఖ్యలు జోరుగా వినిపిస్తున్నాయి. బాలయ్య 2014 ఎన్నికల నాటికి ప్రత్యక్ష రాజకీయాల్లోకి రానున్నారు. ఎమ్మెల్యేగా పోటీ చేసేందుకు కూడా సిద్ధమయ్యారు. ఇలాంటి సమయంలో సినీ రంగానికి తన వారసుడు ఉండాలని బాలయ్య భావించి ఉంటారని అంటున్నారు. అందుకే మోక్షజ్ఞను అంతకుముందే తెలుగు తెరకు పరిచయం చేయాలని ఆయన భావిస్తున్నారనే వ్యాఖ్యలు వినిపిస్తున్నాయి.

2014 సాధారణ ఎన్నికలలో బాలయ్య పోటీ చేస్తే సినిమాలు చేసే అవకాశం రాకపోవచ్చు. ఆయనకు ఆసక్తి ఉన్నప్పటికీ కుదిరే అవకాశం తక్కువ. ఇప్పటికే చిరంజీవి విషయంలో దానిని చూస్తున్నాం. గత నాలుగేళ్లుగా తన నూటా యాభయ్యవ చిత్రం ఉంటుందని చిరంజీవి చెబుతున్నారు. కానీ ఇప్పటి వరకు దాని ఊసే లేదు. బాలయ్యకు కూడా నటించాలనే కోరిక ఉన్నప్పటికీ రాజకీయాల్లోకి వచ్చాక అవకాశాలు దొరకవు. దీంతో ఆయన సినిమాలకు దూరంగా ఉండే అవకాశముంది. అందుకే తన వారసుడిగా మోక్షజ్ఞను త్వరగా పరిచయం చేయాలని బాలయ్య భావిస్తున్నారని అంటున్నారు.

2008లో చిరంజీవి ప్రజారాజ్యం పార్టీ స్థాపించారు. దానికి సంవత్సరానికి ముందే అంటే 2007లో రామ్ చరణ్ తేజ చిరుతగా పరిచయమయ్యాడు. ఇప్పుడు బాలయ్య కూడా తన రాజకీయ ఆరంగేట్రానికి ముందు మోక్షజ్ఞచే ఓ మంచి సినిమాను ప్లాన్ చేస్తున్నారని అంటున్నారు.

English summary

 It is said that Hero Nandamuri Balakrishna is following Rajyasabha Member Chiranjeevi for his political entry.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X