వారిద్దరికీ చిరంజీవి హవా వల్లనే?

సమాచార కమిషనర్ల నియామకంలో కాంగ్రెసు శాసనసభ్యుడు చిరంజీవి హవా నడిచినట్లు తెలుస్తోంది. రాష్ట్ర ప్రభుత్వం మంగళవారం 8 మంది సమాచార కమిషనర్లను నియమించింది. మెజారిటీ వాటా మాత్రం ముఖ్యమంత్రి కిరణ్ కుమార్ రెడ్డి దక్కించుకున్నారు. రాజకీయ నాయకుల పైరవీలకు అనుగుణంగా కమిషనర్ల నియామకం జరిగిందనే విమర్శలు అప్పుడే ప్రారంభమైంది. ఎం. రతన్, ఎస్, ప్రభాకర్ రెడ్డి, ఎల్ తాంతియా కుమారి, ఎం విజయనిర్మల, వర్రే వెంకటేశ్వర్లు, పి. విజయ్ బాబు, సి. మధుకర్ రాజ్ సమాచార కమిషనర్లకు నియమితులయ్యారు. వీరిలో ఎం. రతన్, విజయ్ బాబులకు చిరంజీవి వల్లనే సమాచార కమిషన్ పదవులు దక్కాయనే ప్రచారం జరుగుతోంది.

విజయ్ బాబు ఓ తెలుగు దినపత్రికకు సంపాదకుడిగా పనిచేస్తున్నారు. చిరంజీవికి ఆయన సన్నిహితుడని చెబుతారు. ప్రజారాజ్యం పార్టీ పెట్టిన తొలి నాళ్లలో చిరంజీవికి అడపా దడపా సలాహాలు కూడా పారేస్తుండేవారట. అందువల్లనే ఆయనకు సమాచార కమిషనర్ పదవి దక్కిందనే గుసగుసలు వినిపిస్తున్నాయి. అందులో ఎంత వరకు నిజం ఉందో నిర్ధారణ చేయలేం గానీ జరుగుతున్న ప్రచారాన్ని ఆపడం మాత్రం సాధ్యం కాదని అంటున్నారు.

English summary

The choice of candidates as information commissioners also reflected the say of Congress MLA Chiranjeevi though chief minister Kiran Kumar Reddy managed the lion's share.