లగడపాటి రాజగోపాల్ సర్వే తప్పు పోయింది

By Pratap

Published: Thursday, March 22, 2012, 8:34 [IST]

కాంగ్రెసు పార్లమెంటు సభ్యుడు లగడపాటి రాజగోపాల్ సర్వే తప్పు పోయింది. లగడపాటి రాజగోపాల్ చేయించిన సర్వే తప్పకుండా నిజమవుతుందనే నమ్మకాన్ని బిజెపి వమ్ము చేసింది. ఏడుస్థానాలకు జరిగిన ఉప ఎన్నికల్లో ఆయన అంచనాలు పాక్షికంగానే కరెక్టయ్యాయి. మహబూబ్ నగర్ ఫలితం గురించి చెప్పనే అక్కర్లేదు.

మహబూబ్‌నగర్‌లో తెరాస అభ్యర్థిదే విజయనవ్ అంచనా తప్పింది. కామారెడ్డి మినహా అన్నిచోట్లా టీడీపీ, కాంగ్రెస్ డిపాజిట్లు దక్కించుకుంటాయని లగడపాటి రాజగోపాల్ చెప్పారు. కానీ, కామారెడ్డితోపాటు మహబూబ్‌నగర్, నాగర్ కర్నూలులోనూ తెలుగుదేశం డిపాజిట్ కోల్పోయింది. కాంగ్రెస్‌కు అన్నిచోట్లా డిపాజిట్ దక్కింది. ఏమైనా, రాజగోపాల్ తమ లెక్క ఎందుకు తప్పిందో కూడా మీడియా సమావేశం ఏర్పాటు చేసి మరీ చెప్పారు.

Published On March 22, 2012