జైలు నుంచే రాజకీయాలపై కన్నేసిన గాలి

By Pratap

Published: Sunday, February 26, 2012, 9:38 [IST]

అక్రమ మైనింగ్ కేసులో అరెస్టయిన కర్ణాటక మాజీ మంత్రి గాలి జనార్దన్ రెడ్డి కర్ణాటక రాజకీయాలను ఓ కంట కనిపెడుతూ ఉన్నారట. హైదరాబాదులోని చంచల్‌గుడా జైలులో ఉన్న గాలి జనార్దన్ రెడ్డి కర్ణాటక రాజకీయాల గురించి ఎప్పటికప్పుడు తెలుసుకుంటున్నారట. కర్ణాటక శానససభ్యుడు, ఆయన అనుచరుడు శ్రీరాములు తరుచుగా చంచల్‌గుడా జైలుకు వస్తూ పోతన్నారు. ఆయన ద్వారా గాలి జనార్దన్ రెడ్డి అన్ని విషయాలు తెలుసుకుంటున్నట్లు చెబుతున్నారు.

శుక్రవారంనాడు శ్రీరాములు గాలి జనార్దన్ రెడ్డిని కలిశారు. తాము కర్ణాటక బిజెపిలోని పరిణామాలను పరిశీలిస్తున్నామని, మాజీ ముఖ్యమంత్రి యడ్యూరప్ప పెద్ద పదవి కోసం ప్రయత్నాలు సాగిస్తున్నారని శ్రీరాములు ఓ పత్రికతో అన్నారు. యడ్యూరప్ప రాజకీయాల్లో గాలి జనార్దన్ రెడ్డి చేయి వేస్తారా, చూడాల్సిందే.

Published On February 26, 2012