వరంగల్లులో దెయ్యం పచార్లు?

వరంగల్ దెయ్యం భయంతో వణికిపోతోంది. రాత్రి వేళల్లో దెయ్యం తిరుగుతోందంటూ వరంగల్లులో ప్రజలు భయాందోళనలకు గురవుతున్నారు. ఇందుకు సంబంధించి వరంగల్, సుబేదారి పోలీసు స్టేషన్లలో కేసులు కూడా నమోదైనట్లు సమాచారం. ఏడు అడుగుల దెయ్యం ఊరంతా పచార్లు చేస్తోందంటూ పుకార్లు షికార్లు చేస్తున్నాయి. నీడలాగా దెయ్యం తిరుగుతుందని అంటున్నారు. కర్రలు పట్టుకుని దెయ్యాన్ని వెంటాడడానికి ప్రయత్నించినవారు కూడా ఉన్నారట.

దెయ్యం భయంతో ప్రజలు నిద్రపోవడం లేదంటూ ఓ తెలుగు టీవీ చానెల్ వార్తాకథనాన్ని ప్రసారం చేసింది. ఈ దెయ్యం గుట్టు విప్పేదెలా అంటూ హేతువాదులు మల్లగుల్లాలు పడుతున్నారు. దెయ్యం పుకార్లు ఎందుకు పుట్టాయో ఆలోచిస్తున్నారు. అందులోని మర్మాన్ని విప్పి చెప్పేందుకు కసరత్తు చేస్తున్నారు. మొత్తం ప్రజలు హైరానా పడుతున్నారని మాత్రం వార్తలు వస్తున్నాయి.

English summary

Warangal public is in panic with ghost rumours. It is said that ghost is wandring in the city.