జగన్ సాక్షిపై రామోజీ ఈనాడు ఫైర్
అదే కోవలో ఈనాడులో వాటాల విక్రయానికి కూడా వక్రభాష్యాలు చెబుతోందని విమర్శించింది. ఈనాడు షేరు విలువ రూ. 5,28,630 అని చెబుతున్న సాక్షి.. ఆ విలువ ... ఉషోదయ ఎంటర్ప్రైజెస్లోని మూడు విభాగాల మొత్తం షేరు విలువ అనే విషయాన్ని కావాలనే సాక్షి విస్మరిస్తోందని తప్పుపట్టింది. అంతే కాదు, మొత్తం షేర్ల సంఖ్య ఎంతో చెప్పకుండా పాఠకులను తప్పుదోవ పట్టిస్తోందని వ్యాఖ్యానించింది.
కేవలం ఈనాడు షేరు విలువను సాక్షి పద్ధతిలో లెక్కిస్తే ఒక్కో షేరు విలువ రూ. 275 మాత్రమేనని ఈనాడు దినపత్రిక స్పష్టం చేసింది. ప్రారంభం కూడా కాక ముమదు సాక్షికి లెక్కకట్టిన షేరు విలువ రూ. 360 అని చెప్పింది. దీనికన్నా తమ షేరు విలువ తక్కువ అని తెలిపింది. సాక్షి చేస్తున్న విషప్రచారాలు పాఠకుల ఆదరణ, మదుపుదారుల విశ్వసనీయత మెండుగా ఉన్న రామోజీ గ్రూపు సంస్థల ప్రతిష్టను ఏమీ చేయలేవని, కోర్టులను కూడా జగన్ తప్పుదోవ పట్టించేందుకు తెగబడుతున్నారని, అందుకే వాస్తవాలను పాఠకుల ముందుంచుతున్నామని ఈనాడు దినపత్రిక వివరణ ఇచ్చుకుంది.
తమ కంపెనీ షేరును రూ. 350కి విక్రయించడాన్ని సిబిఐ తప్పు పడుతోందని, మరి తమ కంపెనీ షేర్లను ఇతరులకు కేటాయించడానికి సరిగ్గా ఏడు నెలల ముందు ఈనాడు కూడా తన వాటా విక్రయించిందని, రూ. 1,800కోట్ల నష్టాల్లో ఉండి కూడా అది రూ. 6,800 కోట్ల వాల్యుయేషన్తో రూ. 100 విలువ గల ఒక్కో షేరును రూ.5,28,630 చొప్పున విక్రయించిందని, మరి దేశంలోనే ఎనిమిదో స్థానంలో ఉన్న సాక్షి పత్రిక వాల్యుయేషన్ దాంట్లో సగం కూడా చెయ్యదా, ఆ ధరకు బయటివాళ్లకు షేర్లు కేటాయించడం తప్పా సార్ అంటూ వైయస్ జగన్ కోర్టులో చేసిన వాదనకు రామోజీ ఈనాడు దినపత్రిక ఆ రకంగా కౌంటర్ ఇచ్చింది.
Click it and Unblock the Notifications
Sign in with Google