ఉప ఎన్నికలపై డిఎస్ డొంకతిరుగుడు ఎందుకు?

By Pratap

Published: Saturday, March 17, 2012, 10:19 [IST]

ఉప ఎన్నికల ఫలితాలపై పిసిసి మాజీ అధ్యక్షుడు డి. శ్రీనివాస్ డొంక తిరుగుడుగా మాట్లాడారు. తెలంగాణలో ఊపేస్తామంటూ ఆయన ఇటీవల మాట్లాడారు. కానీ, ఇప్పుడు ఆయన మాటలు చూస్తుంటే అవన్నీ డొంక తిరిగుడు మాటలేనని అర్థమవుతోంది. ఉప ఎన్నికలకు తమ పార్టీ పెద్గగా ప్రాధాన్యం ఇవ్వడం లేదని చెప్పారు. వాటి వల్ల తమకు ఒరిగేది కూడా ఏమీ లేదని అన్నారు. పటాన్‌చెరు శానససభ్యుడు నందీశ్వర్ గౌడ్‌తో కలిసి ఆయన శనివారం బెజవాడ దుర్గమ్మను దర్శించుకున్నారు.

తెలంగాణలో పరిస్థితి గతంలో లాగా లేదని, ఉప ఎన్నికల ఫలితాలు ఆశ్చర్యకరంగా ఉంటాయని ఆయన ఇటీవల అన్నారు. గతంలో కాంగ్రెసు, తెలుగుదేశం పార్టీ నాయకులను ప్రజలు గ్రామాల్లోకి రానిచ్చేవారు కాదని, ఇప్పుడు స్వేచ్ఛగా వెళ్లగలుగుతున్నారని ఆయన చెప్పారు. ఫలితాలను తమకు అనుకూలగా మలుచుకోవడానికి అప్పుడు ఆయన ఆ మాటలన్నారు. కానీ, వాస్తవం తెలుసు కాబట్టి, ఇవాళ ఈ మాట అంటున్నారని అనుకోవచ్చునేమో.

Published On March 17, 2012