బాబును కలవకుండా షర్మిల పాదయాత్ర

మరో ప్రజా ప్రస్థానం పేరుతో వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి సోదరి చేస్తున్న పాదయాత్ర కోసం రూట్ మ్యాప్‌ను తెలుగుదేశం పార్టీ అధ్యక్షుడు నారా చంద్రబాబు నాయుడు రూట్ మ్యాప్‌ దగ్గర పెట్టుకొని మరీ వైయస్సార్ కాంగ్రెసు పార్టీ సిద్ధం చేస్తోందట. ఈ నెల 2న జాతిపిత మహాత్మా గాంధీ జయంతి రోజున చంద్రబాబు వస్తున్నా మీకోసం పాదయాత్ర ప్రారంభించిన విషయం తెలిసిందే.

బాబుకు ప్రజలు బ్రహ్మరథం పట్టడంతో వైయస్సార్ కాంగ్రెసు కూడా పాదయాత్రతో ప్రజల్లోకి వెళ్లాలని నిర్ణయించుకొని షర్మిలను పురమాయించింది. ఈ నెల 18వ తేది నుండి షర్మిల చేపట్టబోయే యాత్ర కోసం వైయస్సార్ కాంగ్రెసు బాబు పాదయాత్ర రూట్ మ్యాప్‌ను జాగ్రత్తగా పరిశీలించి సిద్ధం చేస్తోందని సమాచారం. ఎక్కడా చంద్రబాబు యాత్రకు టచ్ కాకుండా ఉండేలా సిద్ధం చేస్తున్నట్లుగా తెలుస్తోంది. బాబు రూట్ మ్యాప్‌ను దగ్గర పెట్టుకొని మరీ దీనిని సిద్ధం చేశారట.

షర్మిల పాదయాత్ర 18న ప్రారంభమవుతుంది. కడప జిల్లాలో ఐదు రోజులపాటు కొనసాగుతుంది. కడప నుండి అనంతపురం జిల్లాలో ప్రవేశిస్తుంది. తొలిరోజు భారీ బహిరంగ సభతో పాదయాత్ర ప్రారంభం కానుంది. పాదయాత్ర ఉదయం 11 గంటలకు ఇడుపులపాయ నుండి ప్రారంభమవుతుంది. తొలి రోజు షర్మిలతపాటు విజయమ్మ, భారతి, ఇతర నేతలు నడుస్తారు. దాదాపు ఐదువందల మంది మహిళలు షర్మిల వెంట ఉంటారు.

English summary

YSR Congress party leaders are preparing party chief YS Jaganmohan Reddy's sisiter Sharmila padayatra route map.