చెర్రెత్తిన బాబు: చూపిస్తే రాసిస్తానని ఫైర్
"సార్! మీకు సింగపూర్లో హోటల్ ఉన్నదట కదా'' అంటూ ఓ కాంగ్రెస్ కార్యకర్త వేసిన ప్రశ్న చంద్రబాబును చిరాకు పెట్టింది. పశ్చిమగోదావరి జిల్లా పెరవలి మండలం తీపర్రు గ్రామంలో ప్రసంగిస్తుండగా - నల్ల విజయకుమార్ అనే వ్యక్తి చంద్రబాబుకు అడ్డుపడ్డాడు. అది గమనించిన చంద్రబాబు - ఆయన చేతికి మైకు ఇచ్చారు.
"ఏ పార్టీ.. ఏం పేరు'' అని అతడిని చంద్రబాబు ప్రశ్నించారు. నీది కాంగ్రెస్ పార్టీయా అని అతన్ని నిలదీశారు. అవునని చెప్పాడు. 'సరే.. ఏమి అడుగుతావో అడుగు' అని ప్రోత్సహించాడు. "టివిల్లో, పేపర్లో వచ్చాయి. నలుగురూ చెప్పుకుంటున్నారు, సింగపూర్లో మీకు హోటళ్లు ఉన్నాయంటున్నారు. నిజమేనా?'' అని ప్రశ్నించాడా వ్యక్తి.
ఆ ప్రశ్నతో చంద్రబాబులో ఆగ్రహం కట్టలు తెంచుకుంది. వెంటనే - " కాంగ్రెస్ దొంగలు ప్రచారం చేస్తున్నారు. అడ్రస్ తీసుకురా.. ఆ హోటల్ నీకు రాసిస్తాను. సిగ్గులేదా? నీ కాంగ్రెస్ నాయకులు అవినీతి చేసి జైలుకు పోయారు. అలాంటి వాళ్లను వదిలేస్తావా, లేదా?' అంటూ తీవ్రస్వరంతో మండిపడ్డారు.
Click it and Unblock the Notifications
Sign in with Google