• search

వైయస్ జగన్ పార్టీలోకి జయప్రద?

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Jayaprada
    హైదరాబాద్: ఉత్తరప్రదేశ్ రాంపూర్ పార్లమెంటు సభ్యురాలు, సినీ నటి జయప్రదకు రాష్ట్ర రాజకీయాల విషయంలో క్లారిటీ వచ్చినట్లుంది. రాష్ట్ర రాజకీయాల్లోకి రావాలని ఉవ్విళ్లూరుతున్న ఆమెకు దారి దొరికినట్లు కనిపిస్తోంది. ఆమె సోమవారం చేసిన వ్యాఖ్యలు ఆ విషయంలో కొన్ని సంకేతాలను ఇస్తున్నాయి. ఆమె వైయస్ జగన్ నాయకత్వంలోని వైయస్సార్ కాంగ్రెసు పార్టీలో చేరడానికి సిద్ధమైనట్లు కనిపిస్తున్నారు. రాజమండ్రి నుంచి పార్లమెంటుకు పోటీ చేసే అవకాశాలు కూడా ఉన్నాయని అంటున్నారు.

    తెలుగుదేశం, కాంగ్రెసు పార్టీలో తాను చేరబోరని ఆమె మాటలు తెలియజేస్తున్నాయి. తెలంగాణ విషయంలో ఆమె అధికార కాంగ్రెసు పార్టీని తప్పు పట్టారు. అదే సమయంలో తెలుగుదేశం పార్టీ అధ్యక్షుడు నారా చంద్రబాబు నాయుడు తీరుపై నిరసన వ్యక్తం చేశారు. ఎన్నికల ప్రచారానికి సినీ తారలను వాడుకుని అధికారంలోకి వచ్చిన తర్వాత వదిలేయడం తెలుగుదేశం పార్టీ అధ్యక్షుడు నారా చంద్రబాబు నాయుడికి, ఎస్పీ నేత ములాయం సింగ్‌ యాదవ్‌కు అలవాటు అని ఆమె చురకలు అంటించారు.

    తెలంగాణపై కాంగ్రెసు నేతృత్వంలోని ప్రభుత్వం నిర్ణయం తీసుకోవాలని, అవుననో కాదనో చెప్పాలని ఆమె అన్నారు. దీన్ని బట్టి ఆమె కాంగ్రెసును కూడా పక్కన పెట్టినట్లే. ఈ రకంగా చూస్తే, ఆమె వైయస్ జగన్ పార్టీలో చేరడానికి ఏర్పాట్లు చేసుకున్నారని అంటున్నారు.

    జయప్రద వైయస్సార్ కాంగ్రెసు పార్టీలో చేరనున్నట్లు గతంలో కూడా ప్రచారం సాగింది. అయితే, ఆ తర్వాత ఎందుకో ఆ ప్రచారం సమసిపోయింది. ఆ తర్వాత ఆమె తెలుగుదేశం పార్టీలో చేరడానికి తిరిగి ప్రయత్నాలు చేసినట్లు కూడా వార్తలు వచ్చాయి. కానీ అది కూడా ఫలించలేదని అన్నారు. ఉత్తరప్రదేశ్‌లో ఆమెకు చోటు లేకపోవడంతో తిరిగి రాష్ట్ర రాజకీయాల్లోకి రావాలంటే జగన్ పార్టే సరైందిగా ఆమెకు కనిపించినట్లు చెబుతున్నారు.

    English summary
    
 According to Uttar Pradesh MP and actress Jayaprada's comments, she may join in YS Jagan's YSR Congress party. She criticised Telugudesam president N Chandrababu Naidu.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more