విశాల్ పెళ్లి శరత్ కుమార్ కూతురు వరలక్ష్మితో?

By Bojja Kumar

Published: Wednesday, October 23, 2013, 12:43 [IST]

Vishal to marry Sarath Kumar daughter Vara Lakshmi?

చెన్నై: తమిళ సినీ వర్గాల్లో ఇప్పుడు ఓ విషయం హాట్ టాపిక్‌గా మారింది. హీరో విశాల్, సినీయర్ హీరో శరత్ కుమార్ తనయ వరలక్ష్మీ త్వరలో పెళ్లి చేసుకోబోతున్నారని పుకార్లు షికార్లు చేస్తున్నాయి. గత కొంతకాలంగా ఇద్దరి మధ్య ప్రేమ వ్యవహారం నడుస్తోందని సమాచారం.

అయితే వీరి వివాహానికి శరత్ కుమార్ సుముఖంగానే ఉన్నప్పటికీ......శరత్ కుమార్‌తో వియ్యమొందడానికి విశాల్ తండ్రి జి.కె.రెడ్డి సుముఖంగా లేరని సమాచారం. గతంలో శరత్ కుమార్‌తో విభేదాల కారణంగానే ఆయన ఈ వివాహానికి ఒప్పుకోవడం లేదని అంటున్నారు. అయితే విశాల్ మాత్రం వరలక్ష్మినే పెళ్లి చేసుకుంటానని పట్టుదలతో ఉన్నట్లు కోలీవుడ్ టాక్.

ఇరు కుటుంబాల మధ్య రాజీకుదర్చి వివాహానికి ఒప్పించేందుకు వరలక్ష్మి సవతి తల్లి, నటి రాధిక రాయబారం నడుపుతున్నట్లు వార్తలు వినిపిస్తున్నాయి. అయితే విశాల్-వరలక్ష్మి మాత్రం తమ పెళ్లి విషయమై వస్తున్న వార్తలను ఖండిస్తున్నారు. రాధిక రాయబారం ఫలించే వరకు.....ఈ విషయం బయటకు పొక్కకూడదనే ఉద్దేశ్యంతోనే వారు మీడియా వార్తలను ఖండిస్తున్నట్లు చెబుతున్నారు.

కాగా...వరలక్ష్మితో తన వివాహానికి అడ్డు చెబుతున్న తండ్రితో విశాల్ విబేధించాడని, తను ఇటీవల కొన్న ఇంట్లో వేరుగా ఉంటున్నాడని వార్తలు వినిపిస్తున్నాయి. త్వరలోనే విశాల్-వరలక్ష్మి వివాహం విషయమై ఓక్లారిటీ వచ్చే అవకాశం ఉంది. ఇటీవల విశాల్-వరలక్ష్మి ‘మద గజ రాజా' చిత్రంలో కలిసి నటించారు.

Published On October 23, 2013