• search

జగన్ కరుణ: వైయస్ వివేకాకు ఎమ్మెల్సీ టికెట్?

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    YS Vivekananda Reddy
    హైదరాబాద్‌: శాసన మండలికి ఎమ్మెల్యే కోటా కింద జరిగే ఎమ్మెల్సీ ఎన్నికల్లో పార్టీ తరఫున తన బాబాయ్ వైయస్ వివేకానంద రెడ్డిని బరిలోకి దింపాలనే ఆలోచనలో వైయస్సార్ కాంగ్రెసు పార్టీ అధ్యక్షుడు వైయస్ జగన్ ఉన్నట్లు ప్రచారం సాగుతోంది. కొండా సురేఖ వంటివాళ్లు పోటీ పడుతున్నప్పటికీ బాబాయ్‌పైనే జగన్ కరుణ వర్షించినట్లు చెబుతున్నారు. పార్టీలో నెలకొన్న పోటీని నివారించడానికి, కాంగ్రెసు శానససభ్యుల ఓట్లను రాబట్టుకోవడానికి వైయస్ వివేకానంద రెడ్డి పేరు ఖరారు చేయడమే శ్రేయస్కరమని జగన్ భావిస్తున్నట్లు తెలుస్తోంది.

    కేవలం కుటుంబసభ్యుడనే కాకుండా శాసనమండలిలో పార్టీ నుంచి అనుభవజ్ఞుడు ఉండాలన్న వ్యూహంతోనే ఆయన వైపు జగన్ మొగ్గు చూపుతున్నట్లు కనిపిస్తోంది. పులివెందుల శాసనసభ ఉప ఎన్నికల్లో వదిన వైయస్ విజయలక్ష్మిపై ఓడిపోయిన తర్వాత కాంగ్రెసు పార్టీ వివేకానంద రెడ్డిని పట్టించుకోలేదు. దీంతో క్రమంగా ఆయన వైయస్ జగన్ వైపు వచ్చేశారు.

    అంతేకాకుండా, కడప జిల్లాలో ప్రస్తుతం అనుభవం ఉన్న నాయకుడు పార్టీకి అవసరంగా మారింది. పార్టీ గౌరవాధ్యక్షురాలు విజయలక్ష్మికి రాజకీయ వ్యూహాలు తెలియకపోవడం, జిల్లాలో పార్టీని ఏకతాటిపై నడిపించే స్థాయి లేకపోవడం, ఉన్న వారిలో మైసురారెడ్డికి మినహా మిగిలిన వారికి ఎక్కువ రాజకీయ అనుభవం లేకపోవడం, మైసురారెడ్డి పలుకుబడి కూడా ఒక నియోజవర్గానికే పరిమితం కావడం వంటి కారణాలను దృష్టిలో ఉంచుకుని జిల్లాలో మాజీ పార్లమెంటుసభ్యుడిగా అన్ని ప్రాంతాలు, నాయకులతో సత్సంబంధాలున్న వివేకానందరెడ్డికే సీటు ఇవ్వాలనియోచిస్తున్నట్లు తెలుస్తోంది.

    జగన్‌ జైలులో ఉండటం, మేనమామ రవీంద్రనాధ్‌రెడ్డి కూడా జైలు పాలు కావడం, కాంగ్రెస్‌-తెలుగుదేశం పార్టీలు బలం పుంజుకుంటుండడం, తమ పార్టీకి జిల్లాపై దృష్టి సారించే నేత లేకపోవడం వంటి కారణాలను దృష్టిలో పెట్టుకుని వివేకానంద రెడ్డి చురుకైన పాత్ర పోషించేలా చూడాల్సిన అవసరం జగన్‌కు ఏర్పడిందని అంటున్నారు. దీంతో వైయస్ వివేకానంద రెడ్డిని పోటీకి దింపితే పార్టీకి మరింత బలం చేకూరుతుందని భావిస్తున్నట్లు తెలుస్తోంది.

    English summary
    It is said that YSR Congress party president YS Jagan is in a mood to give MLC tecket to his uncle YS Vivekananda reddy.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more