బాబు ఉదారత: హరికృష్ణకు హిందూపురం సీటు
అదే విధంగా, రాజ్యసభ సభ్యురాలు గుండు సుధారాణి రానున్న సాధారణ ఎన్నికలలో వరంగల్ శాసనసభ నియోజకవ ర్గం నుంచి పోటీ చేయనున్నట్లు చెబుతున్నారు. ఇందుకు సంబంధించి పార్టీ అధినేత నారా చంద్రబాబునాయుడు గ్రీన్సిగ్నల్ ఇచ్చారని అంటున్నారు. రాజ్యసభ సభ్యత్వాన్ని మరో ఆరేళ్ళ పాటు పొడిగించేందుకు చంద్రబాబు విముఖతను చూపారని, అయితే అసెంబ్లీకి పోటీ చేసేందుకు ఇప్పటి నుంచే ప్రచార కార్యక్రమం నిర్వహించుకోవాల్సిందిగా చంద్రబాబు సంకేతాలు ఇచ్చినట్టు తెలుగుదేశం పార్టీ వర్గాలు తెలియజేశాయి.
కాగా రాజ్యసభ సభ్యత్వం ముగిసిన మరో టిడిపి నేత నందమూరి హరికృష్ణకు కూడా మరోసారి అవకాశం ఇచ్చేందుకు చంద్రబాబు నాయుడు విముఖతతో వున్నారని తెలిసింది. చంద్రబాబు సమన్యాయానికి విరుద్దంగా సమైక్యగళం వినిపిస్తున్న హరికృష్ణతో పార్టీ అధినేత చంద్రబాబుకు సంబంధాలు బెడిసికొట్టాయి.
అయితే రాయలసీమ లోని హిందూపురం నుంచి లోక్సభకు హరికృష్ణ పోటీ చేస్తే తనకు అభ్యంతరం లేదని చంద్రబాబునాయుడు వ్యాఖ్యానించినట్టు తెలిసింది. హిందూపురంలో ఎన్టీఆర్ కుటుంబ సభ్యులకు మంచి ఆదరణ ఉంది.
Click it and Unblock the Notifications
Sign in with Google