70 ఏళ్ల ముసలాయన ఎమ్ఎమ్ఎస్ స్కాండల్: డబ్బు లేకపోతే కిడ్నీ అడిగింది

మీరట్: కష్టపడకుండా డబ్బు సంపాదించాలనే ఉద్దేశ్యంతో ఓ పెద్దాయనను బెదిరించిన మహిళను అరెస్టు చేశారు పోలీసులు. మీరట్ ఎస్ఎస్పీ ఓంకార్ సింగ్ తెలిపిన వివరాలు ఇలా ఉన్నాయి. యూపీకి చెందిన ఓ 20 ఏళ్ళ యువతి హెర్బల్‌ సంస్థలో పనిచేస్తున్నట్లుగా చెప్పుకొని స్థానికంగా ఉంటున్న ఓ 70 ఏళ్ల పెద్దాయనను కలిసింది. ఓ ప్రముఖ బ్యాంక్‌లో పని చేసి ఈయన రిటైర్ అయ్యారు.

తమ సంస్థ తరపున ఇస్తున్న ప్రత్యేక క్లబ్‌ సభ్యత్వాన్ని తీసుకోవాలని కోరింది. దీనికి సరేనన్న ఆ పెద్దాయన సభ్యత్వం తీసుకొని క్లబ్‌కు వెళ్లటం మొదలుపెట్టాడు. రెండు నెలల తర్వాత ఎప్పటిలాగే క్లబ్‌కి వెళ్లిన ఆపెద్దాయనకి ఆమె ఓ ‘ప్రత్యేకమైన' మందు ఇచ్చింది.

అది తీసుకున్న కాసేపటికే అతడు స్పృహ కోల్పోయాడు. మెలకువ వచ్చే సరికి నగ్నంగా ఓ పరుపు మీద పడి ఉన్నాడు. మరో ఇద్దరు యువకులతో ఆమె తన ఫోన్లోని వీడియో చూపించి బ్లాక్‌మెయిల్‌ చేయడం మొదలుపెట్టింది.

తొలిసారిగా ఆ పెద్దాయన నుంచి రూ. ఐదు లక్షలు డబ్బులు రాబట్టింది. ఆ తర్వాత తన దగ్గర ఇక ఇవ్వటానికి ఏమీ లేదన్న పెద్దాయనతో ‘ఏమీ లేకపోవటం ఏంటి? నీ కిడ్నీ ఇవ్వు? అని అనడంతో ఒక్కసారిగా షాక్ అయ్యాడు. దీంతో ఏమి చేయాలో తెలియని పరిస్ధితిలో ఆ పెద్దాయన పోలీసులను ఆశ్రయించాడు. దీంతో కేసు నమోదు చేసుకున్న పోలీసులు విచారణ చేస్తున్నారు.

English summary

Usually it is the men who take videos of their female victims, make MMS and blackmail them, but in a case that has turned this on its head, a 20-year-old woman first befriended a 70-year-old man, drugged him, filmed him in a compromising situation with her and then started blackmailing him.