రేవంత్‌ను భలే పట్టిచ్చావ్: స్టీఫెన్‌కు అలీ ముద్దులు

హైదరాబాద్: తెలంగాణ తెలుగుదేశం పార్టీ ఎమ్మెల్యేను ఏసీబీకి పట్టించిన నామినేటెడ్ ఎమ్మెల్యే స్టీఫెన్ సన్ సోమవారం అసెంబ్లీ ప్రాంగణంలో ప్రధాన ఆకర్షణగా మారారు. పార్లమెంటరీ సెక్రటరీ జలగం వెంకట్రావుతో ఆయన కలిసి కారులో అసెంబ్లీ ప్రాంగణానికి వచ్చారు.

రేవంత్ అరెస్టుకు కారణమైన అతనిని పలువురు మంత్రులు, తెరాస ఎమ్మెల్యేలు ప్రశంసించారు. ఆలింగనాలు, కరచాలనాలు చేశారు. ఉప ముఖ్యమంత్రి డిప్యూటీ సీఎం మహమూద్ అలీ ఏకంగా స్టీఫెన్ సన్ బుగ్గన ముద్దు పెట్టారు.

మీడియా వేచి ఉన్న వైపు విక్టరీ సింబల్ చూపించాలని ఎమ్మెల్సీ రాములు నాయకు కోరినా స్టీఫెన్ సన్ సున్నితంగా తిరస్కరించారు. చివరకు మహమూద్ అలీ విక్టరీ సింబల్ చూపించారు. మరోవైపు, ఏసీబీ అరెస్టు చేసిన రేవంత్ రెడ్డి కూడా సెంటర్ ఆఫ్ అట్రాక్షన్ అయ్యారు. స్టీఫెన్ సన్, రేవంత్‌లు సోమవారం అసెంబ్లీలో ప్రత్యేక ఆకర్షణ.

కాగా, ఎమ్మెల్సీ ఎన్నికల పోలింగ్ సందర్భంగా రేవంత్ రెడ్డి, స్టీఫెన్ సన్ ఎదురుపడ్డారు. ఇది చాలా ఆసక్తికర పరిణామం. ఓటు హక్కు వినియోగించుకొని అసెంబ్లీ లాబీల నుంచి రేవంత్ బయటకు వచ్చాడు.

అదే సమయంలో తెరాస ఎమ్మెల్యేలతో కలిసి స్టీఫెన్ సన్ వచ్చారు. ఆ సమయంలో ఇద్దరు ఎదురుపడ్డారు. ఒకరిని మరొకరు పట్టించుకోలేదు. అయితే, స్టీఫెన్ సన్ వెనకాల ఉన్న తెరాస ఎమ్మెల్యేలు, రేవంత్ రెడ్డి పరస్పరం చిరునవ్వుతో పలకరించుకోవడం గమనార్హం.

English summary

Dy CM Ali kisses Nominated MLA Stephenson