ఎమ్మెల్యేతో బూట్లు తొడిగించుకున్న లాలూ ప్రసాద్

పాట్నా: ఆర్జేడీ అధ్యక్షుడు, బీహార్ మాజీ ముఖ్యమంత్రి లాలూ ప్రసాద్ యాదవ్ వివాదానికి తెర లేపారు. పార్టీకి చెందిన ఓ శాసన సభ్యుడితో బూట్లు తొడిగించుకున్నాడు. ఇది ఇప్పుడు విమర్శలకు తావిచ్చింది. తన పార్టీ ఎమ్మెల్యే అన్వర్ అహ్మద్‌తో లాలూ బూట్లు తొడిగించుకున్నాడు.

బీహార్‌లోని తూర్పు చంపరాన్ జిల్లాలో మాజీ ఎమ్మెల్యే యమునా యాదవ్ విగ్రహావిష్కరణ కార్యక్రమంలో లాలూ ప్రసాద్ యాదవ్ పాల్గొన్నారు. ఈ సమయంలో లాలూ పక్కనే ఉన్న అన్వర్ అహ్మద్ కిందకు వంగి బూట్లు తొడుగుతున్న దృశ్యాలు ఓ ప్రయివేటు ఛానల్లో ప్రసారమయ్యాయి.

దీనిపై సర్వత్రా విమర్శలు వ్యక్తమవుతున్నాయి. ఈ అంశం పైన బుధవారం నాడు లాలూ ప్రసాద్ వివరణ ఇచ్చే ప్రయత్నం చేశారు. ఎమ్మెల్యే తనకు బూట్లు తొడగలేదని, మరో కార్యక్రమానికి సమయం మించిపోతుండటంతో తన బూటు తాడును మాత్రమే ముడి వేశాడని చెప్పాడు.

కాగా, లాలూ ప్రసాద్ షూస్ దొంగిలించబడ్డాయని, ఈ షూస్ మరో నేతవి అని, అవి తీసుకున్నారని కూడా వార్తలు వచ్చాయి. దీని పైన సంబంధిత నేత స్పందించాడు. తన షూ సైడ్ ఎనిమిది అని, లాలూ షూ సైజ్ 7 అని, అలాంటప్పుడు తన షూస్ అతనికి ఎలా పడతాయని వ్యాఖ్యానించాడు.

English summary

The visual of a former RJD legislator helping party president Lalu Prasad to wear shoes at a function in Bihar's East Champaran district has triggered a controversy, but the RJD leader on Wednesday said he merely "tightened" the lace of the shoe he was wearing to save time.