సీఎం కేసీఆర్ ఫోటోతో విశాఖ విద్యార్థికి హాల్ టిక్కెట్

విశాఖపట్నం: ఆంధ్రప్రదేశ్ రాష్ట్రంలోని విశాఖలో ఓ విద్యార్థికి తెలంగాణ రాష్ట్ర ముఖ్యమంత్రి, తెలంగాణ రాష్ట్ర సమితి అధ్యక్షులు కల్వకుంట్ల చంద్రశేఖర రావు ఫోటోతో హాల్ టిక్కెట్ వచ్చింది. రాష్ట్ర సాంకేతిక విద్య శిక్షణ సంస్థ నేతృత్వంలో ఆంధ్రప్రదేశ్, తెలంగాణ రాష్ట్రాల్లో పాలిటెక్నిక్ పరీక్షలు గురువారం నుండి జరుగుతున్నాయి.

పరీక్షలు రాయబోయే విద్యార్థులకు హాల్ టిక్కెట్లు పంపిణీ చేశారు. ఇందులో భాగంగా విశాఖపట్నంలోని ప్రభుత్వ పాలిటెక్నిక్ కళాశాల ప్రథమ సంవత్సరం విద్యార్థి ఎం గిరీష్‌కు వచ్చిన హాల్ టిక్కెట్‌లో కేసీఆర్ ఫోటో ఉంది. దీంతో ఆ కళాశాల అధ్యాపక బృందం బిత్తరపోయింది.

వైజాగ్ కళాశాల నుండి విద్యార్థుల వివరాలు, ఫోటోను పంపడంలో ఎటువంటి పొరపాటు జరగలేదని స్థానిక కళాశాల వర్గాలు చెప్పాయి. హైదరాబాదులోని బోర్డు వద్దనే ఈ పొరపాటు జరిగి ఉంటుందని కళాశాల వర్గాలు చెప్పాయి.

English summary

Hall Ticket to Vishaka polytechnic student with Telangana CM KCR photo