దంత వైద్యం వికటించి గజనీగా మార్చేసింది
లండన్: హాలీవుడ్ చిత్రాలు గ్రౌండ్హాగ్ డే, మెమెంటో చిత్రాలను, దక్షిణాది చిత్రం గజనీని గుర్తుకు తెచ్చే విధంగా లండన్లో ఓ వ్యక్తికి కేవలం 90 నిమిషాలు మాత్రమే జ్ఞాపకశక్తి ఉంటోంది. ఈ విషయాన్ని భారతీయుడితో కూడిన పరిశోధకుల బృందం తెలిపింది.
ఈ బాధితుడి వ్యవహారం పై లీసెస్టర్ యూనివర్సిటీకి చెందిన డాక్టర్ గెరాల్డ్ బుర్గెస్ బృందం పరిశోధనలు చేసింది. నార్త్హాంప్షైర్ హెల్త్కేర్ ఫౌండేషన్లో సైక్రియాటిస్ట్గా సేవలందిస్తున్న భాను చదలవాడ ఈ బృందంలో కీలకంగా వ్యవహరిస్తున్నారు.
దశాబ్దకాలం క్రితం పంటి నొప్పితో బాధపడుతున్న ఆయన ఓ దంతవైద్యుడిని సంప్రదించారు. దంతవైద్యుడు చేసిన రూట్ కెనాల్ చికిత్స వికటించి జ్ఞాపకశక్తి క్షీణతకు దారితీసిందని బర్గేస్ చెప్పారు.
విలియం అనే బాధితుడు జ్ఞాపక శక్తి క్షీణతతో బాధపడుతున్నాడు. దాన్ని ఆంటిరోగ్రేడ్ అమ్నేషియా అంటారు. ఈ వ్యాధికి గురైనవాళ్లు జ్ఞాపకం ఉంచుకోవడంలోనూ, కొత్త సమాచారాన్ని స్వీకరించడంలోనూ ఇబ్బందులకు గురవుతారు. మెదడులో స్ట్రక్చరల్ డ్యామేజీ వల్ల ఇది సంభవిస్తుంది.
Click it and Unblock the Notifications
Sign in with Google