ఐటి సోదాలు: సమంత తల్లిదండ్రుల చిందులు (వీడియో)

చెన్నై: సోదాలకు దిగిన ఐటి అధికారులపై, కవరేజీకి వచ్చిన మీడియా ప్రతినిధులపై హీరోయిన్ సమంత తల్లిదండ్రులు చిందులు వేశారు. హీరో విజయ్, హీరోయిన్ నయనతార ఇళ్లపైనే కాకుండా సమంత ఇంటిపై కూడా బుధవారం ఐటి అధికారులు సోదాలు నిర్వహించిన విషయం తెలిసిందే.

సమంత తమిళనాడు రాజధాని చెన్నై పల్లవరం సారథి వీధిలోని అపార్టుమెంటులో నివసిస్తున్నారు. అదే అపార్టుమెండు రెండో అంతస్థులో సమంత తల్లిదండ్రులు ఉంటున్నారు. బుధవారం ఉదయమే ఐటి అధికారులు సమంత తల్లిదండ్రుల నివాసంలోకి ప్రవేశించారు.

ఆ సమాచారంతో మీడియా ప్రతినిధులు పెద్ద యెత్తున అక్కడికి చేరుకున్నారు. ఐటి అధికారులు సమంత, ఆమె తల్లిదండ్రుల ఇళ్లలో సోదాలు నిర్వహించారు. ఈ సందర్భంగా లభించిన డాక్యుమెంట్లను తనిఖీ చేస్తున్న సమయంలో సమంత తండ్రి జోసఫ్ ప్రభు అడ్డుకునే ప్రయత్నం చేశారు. సమంత తమ వద్ద డబ్బు, నగలు, డాక్యుమెంట్లు ఏమీ పెట్టదని, ఇంటికి కూడా అప్పుడప్పుడు వస్తుందని అన్నారు.

తాము అద్దె ఇంటిలో నివసిస్తున్నామని సమంత తల్లిదండ్రులు అధికారులతో ఆవేశంగా మాట్లాడారు. హీరోయిన్ సమంత షూటింగ్ నిమిత్తం విదేశాల్లో ఉన్నట్లు ఐటి అధికారులు చెప్పారు.

English summary

Tollywood actress Samantha's parents expressed anguish at IT officers and media representatives in Chennai of Tamil Nadu.