బిత్తరపోయారు!: జీహెచ్ఎంసీ వెబ్సైట్లో సన్నిలియోన్ నగ్నచిత్రం
హైదరాబాద్: గ్రేటర్ హైదరాబాద్ మున్సిపల్ కార్పోరేషన్ (జీహెచ్ఎంసీ) కూడా ఆకతాయిల నుంచి ఇబ్బందికర పరిస్థితులను ఎదుర్కొవాల్సి వస్తోంది. తాజాగా జీహెచ్ఎంసీ వెబ్సైట్లో పోర్న్ స్టార్. బాలీవుట్ నటి సన్నీ లియోని నగ్నచిత్రం కనిపించింది.
దీంతో ఈ విషయం ఇప్పుడు చర్చనీయాంశమైంది. వివరాల్లోకి వెళితే జీహెచ్ఎంసీ వెబ్సైట్లో చెత్తను తరలించేందుకు ఉపయోగించే వాహనాల రాకపోకల కోసం తెలంగాణ ప్రభుత్వం ఓ వెబ్సైట్ను రూపొందించింది. ఈ వెబ్సైట్ ద్వారా చెత్తను తరలించే వాహనాల రాకపోకలను గమనించే పేజీ(ఓఎస్ఆర్టీ ఆప్షన్)లో సన్నీ లియోని నగ్నచిత్రం ప్రత్యక్షమైంది.
దీంతో జీహెచ్ఎంసీ అధికారులు మల్లగుల్లాలు పడుతున్నారు. ప్రభుత్వానికి చెందిన ఓ అధికారిక వెబ్సైట్లో సన్నీలియోని నగ్నచిత్రం కనిపించడంపై అధికారులు తర్జనభర్జనలు పడుతున్నారు. ఎవరో ఆకతాయిలు ఉద్దేశపూర్వకంగా వెబ్సైట్ను హ్యాక్ చేసి ఈ పనికి పాల్పడని ఉంటారనే అభిప్రాయాన్ని అధికారులు వ్యక్తం చేస్తున్నారు.
పేజీ ఓపెన్ చేయగానే సన్నీలియోని చిత్రం దర్శనమిస్తుండటంతోతల పట్టుకున్న అధికారులు, వెంటనే టెక్నికల్ టీముకు సమాచారం ఇవ్వగా, వారు దాన్ని తొలగించినట్టు తెలుస్తోంది. ఎవరో హ్యాకర్లు ఈ పని చేసి ఉంటారని అధికారులు భావిస్తున్నారు.
జీహెచ్ఎంసీ వెబ్సైట్లో సన్నీ లియోని నగ్న చిత్రం ప్రత్యక్షం మవడంపై సైఫాబాద్ పోలీసులను వివరణ కోరగా దీనిపై తమకు ఎలాంటి ఫిర్యాదూ అందలేదని తెలిపారు.
Click it and Unblock the Notifications
Sign in with Google