తెల్ల చొక్కాలు, ముహూర్తాలు: పూరీ బాటలో సిట్ ముందుకు సినీనటులు!

డ్రగ్స్ కేసులో ఆరోపణలు ఎదుర్కొంటూ నోటీసులందుకున్న సినీ ప్రముఖులు తమ సెంటిమెంట్లను కొనసాగిస్తున్నారు. సిట్ విచారణకు వెళ్లే ముందు పూజలు నిర్వహించి, పురోహితుల సూచనల మేరకు ముహూర్తాలు

Published: Monday, July 24, 2017, 13:53 [IST]

హైదరాబాద్: డ్రగ్స్ కేసులో ఆరోపణలు ఎదుర్కొంటూ నోటీసులందుకున్న సినీ ప్రముఖులు తమ సెంటిమెంట్లను కొనసాగిస్తున్నారు. సిట్ విచారణకు వెళ్లే ముందు పూజలు నిర్వహించి, పురోహితుల సూచనల మేరకు ముహూర్తాలు చూసుకుని మరీ విచారణకు వస్తుండటం గమనార్హం.

తెల్లచొక్కాలే..

అంతేగాక, విచారణ ఎదుర్కొంటున్న వారిలో మరో ప్రత్యేకత ఉంది. అదేమంటే ఇప్పుటి వరకు సిట్ విచారణకు వచ్చిన వారు తెల్లచొక్కాలతో రావడం విశేషం. వీరంతా తెల్లచొక్కాలను సెంటిమెంట్ భావిస్తున్నట్లు సమాచారం. దర్శకుడు పూరీ జగన్నాథ్‌‌తో మొదలుకుని తెల్లచొక్కాల సెంటిమెంట్‌ను మిగతా సెలబ్రిటీలు కొనసాగిస్తున్నారు.

శ్యామ్ కే నాయుడు మినహా..

నోటీసులందుకుని సిట్ ముందు హాజరైన శ్యామ్ కే నాయుడు మినహా అందరూ తెల్లచొక్కాల్లోనే రావడం గమనార్హం. ఈయన మాత్రం బ్లూ షర్టులో హాజరయ్యారు.

పూరీ బాటలోనే..

నటుడు సుబ్బరాజు, హీరో తరుణ్, నవదీప్ తెల్లచొక్కాలతో వచ్చి పూరీ సంప్రదాయాన్ని కొనసాగించారు. ఈ కేసులో నోటీసులు అందుకున్న మిగతా సెలబ్రిటీలు పూరి బాటలో నడుస్తున్నారని భావిస్తున్నారు.

ఇష్టదేవతలకు ఆరాధనలు

సిట్ వద్దకు వెళ్లే ముందు నటులు ముహుర్తాలను చూసుకోవడం, ఇష్ట దైవాలను ప్రార్థించడం గమనార్హం. తరుణ్ కూడా సిట్ వచ్చే దారిలోనే ఓ ఆలయానికి వెళ్ళి ప్రార్థించినట్లు తెలిసింది.

నవదీప్

ఇది ఇలావుంటే జీషన్‌అలీ, కెల్విన్‌ ఇచ్చిన సమాచారం ఆధారంగా నవదీప్‌ విచారణను సిట్ విచారిస్తోంది. పబ్బుల్లో జీషన్‌ అలీ ద్వారానే హైక్వాలిటీ కొకైన్‌ సరఫరా చేసినట్లు నవదీప్‌పై ఆరోపలున్నాయి. పక్కా ఆధారాలతో నవదీప్‌ను సిట్ విచారిస్తోంది. తరుణ్‌ విచారణలో వెలుగులోకి వచ్చిన పబ్‌లకు సంబంధించిన చీకటి కోణాలను, కొన్ని పబ్‌ల్లో సీక్రెట్‌ గదుల ఏర్పాటుపైనా సిట్ విచారణ చేస్తోంది. కెల్విన్‌తో సన్నిహిత సంబంధాలున్న నేపథ్యంలో నవదీప్‌ను సుదీర్ఘంగా విచారిస్తున్నారు సిట్ అధికారులు.

Published On July 24, 2017