ఐఫోన్ కొట్టేసి సెల్ఫీ తీసుకున్న కోతి: ఇప్పుడది సెలబ్రిటీ!

బర్మింగ్‌హామ్: మనుషులే కాదు తాము కూడా సెల్ఫీలు తీసుకోగలమని నిరూపించింది ఇంగ్లాండ్‌లోని బర్మింగ్‌హామ్‌కు చెందిన ఓ కోతి. సదరు కోతి ఓ టూరిస్ట్‌ చేతిలోని ఐఫోన్‌ లాక్కుని సెల్ఫీ దిగడం గమనార్హం. ఇంగ్లాండ్‌లోని బర్మింగ్‌హామ్‌లోని జూలో చోటుచేసుకుందీ ఘటన.

వివరాల్లోకి వెళితే.. రెబెక్కా అనే యువతి ఆ జూకి వెళ్లింది. అక్కడవున్న కాపుచిన్‌ జాతికి చెందిన రొమాని అనే కోతిని రెబెక్కా ఫొటో తీయాలనుకుంది. ఇంతలో రొమాని ఫెన్సింగ్‌ వద్దకు వచ్చి రెబెక్కా ఫోన్‌లాక్కొని చక్కగా సెల్ఫీ దిగింది. దీంతో అక్కడున్న పర్యాటకులంతా అవాక్కయ్యారు.

ఫోన్‌ లాక్కున్న సమయంలో కోతి చేయి కెమెరా బటన్‌పై పడటంతో ఇలా దాని సెల్ఫీ వచ్చింది. ఇప్పుడు ఈ ఫొటోకి సోషల్‌మీడియాలో విపరీతంగా లైక్‌లు, కామెంట్లు వస్తున్నాయి.

మనుషుల కంటే కోతులే బాగా ఫొటోలు దిగేస్తున్నాయంటూ నెటిజన్లు వ్యాఖ్యానిస్తున్నారు. ఈ క్రమంలో ఇప్పుడు రొమాని(కోటి) బర్మింగ్‌హామ్‌ జూలోనేగాక సోషల్ మీడియాలోనూ పెద్ద సెలబ్రిటీ అయిపోయింది.

English summary

This cheeky monkey stunned keepers when it reached through a wire fence and grabbed a staff member's camera phone - to take a selfie.