మోడీ భూత వైద్యుడి అవతారం ఎత్తుతారా?: తమిళ పాలిటిక్స్‌పై వర్మ సెటైర్

అమ్మ ఆత్మ కనిపించి తనను సీఎంగా ఉండాలని కోరినట్టు పన్నీర్ చెబుతున్నారని, అలా అయితే ప్రధాని మోడీ ఇప్పుడు భూత వైద్యుడి అవతారమెత్తుతారా? అని వ్యంగ్యంగా స్పందించాడు.

చెన్నై: దేశంలో హాట్ టాపిక్ ఏదైనా సరే.. అందులో 'వర్మ' మార్క్ కామెంట్ ఒకటి దర్శనమివ్వడం ఈరోజుల్లో కామన్ గా మారిపోయింది. సినిమాలు-రాజకీయాలు అన్న తేడా లేకుండా.. విషయమేదైనా సరే.. దానిపై ఓ వ్యంగ్యాస్త్రం వదిలేదాకా వర్మకు నిద్రపట్టదు.

తాజాగా తమిళనాడులో రాజకీయ సంక్షోభం ముదురుతోన్న పరిస్థితుల్లో రాంగోపాల్ వర్మ తనదైన శైలిలో సెటైరికల్ కామెంట్స్ చేశారు. కాగా, అర్థరాత్రి జయ సమాధి వద్ద దర్శనమిచ్చిన పన్నీర్ సెల్వం.. అమ్మ ఆత్మ తననే సీఎంగా కొనసాగాలని వ్యాఖ్యానించిన సంగతి తెలిసిందే.

పన్నీర్ చేసిన ఈ వ్యాఖ్యలను రాంగోపాల్ వర్మ ఎద్దేవా చేశారు. తమిళనాడులో జరుగుతోన్న రాజకీయ పరిణామాలు పొలిటికల్ హార్రర్ మూవీని తలపిస్తున్నాయని అన్నారు. అమ్మ ఆత్మ కనిపించి తనను సీఎంగా ఉండాలని కోరినట్టు పన్నీర్ చెబుతున్నారని, అలా అయితే ప్రధాని మోడీ ఇప్పుడు భూత వైద్యుడి అవతారమెత్తుతారా? అని వ్యంగ్యంగా స్పందించాడు.

Happenings in TN seem like a political Horror film with OPS claiming Jayalalitha's ghost told him to be CM..Will Modi be the exorcist now?

— Ram Gopal Varma (@RGVzoomin) February 8, 2017

English summary

Controversial Film director Ramgopal Varma made some satires through twitter on Tamilnadu political war