గుడ్డులోని పచ్చ సొనను తింటున్నారా- అయితే, ఇది తెలుసుకోవాల్సిందే..!!
గుడ్డు ఆరోగ్యాన్ని ఇస్తుంది. గుడ్డు తీసుకోవడం పిల్లలకీ పెద్దలకీ అందరికీ మంచిది. మన ఆహారం లో గుడ్లు ప్రధానమైనవి. ప్రోటీన్, ఇతర ముఖ్యమైన పోషకాలను అందిస్తాయి. అయితే, గుడ్డు సొన గుండె ఆరోగ్యానికి చెడ్డదని సంవత్సరాలుగా ప్రచారంలో ఉంది. ఇదే అంశం పైన భిన్నాభిప్రాయా లు ఉన్నాయి. గుడ్డు పచ్చసొనలో కొలెస్ట్రాల్ ఎక్కువగా ఉంటుందని, ఇది ధమనులలో ఫలకం పేరుకుపోయి గుండె జబ్బులు, స్ట్రోక్లకు దారితీస్తుందనే వాదన పైన నిపుణులు స్పష్టత ఇస్తున్నారు. అసలు పచ్చ సొన ఎవరికి మంచిది.. ఎవరు దూరంగా ఉండాలో స్పష్టం చేస్తున్నారు.
గుడ్డు పచ్చసొనలో గుండెకు అవసరమైన ఆరోగ్యకరమైన కొవ్వులు, మంచి కొలెస్ట్రాల్ ఉంటాయి. ఇవి ఆరోగ్యానికి ఎంతో మేలు చేస్తాయి. ఇందులో మంచి మొత్తంలో ప్రోటీన్తో పాటు గుడ్డు పచ్చసొనలో ఒమేగా-3 ఆమ్లాలు ఉంటాయి. ఇవి గుండెకు ఆరోగ్యకరమైన అసంతృప్త కొవ్వులను అందిస్తాయి. గుడ్డులోని పచ్చసొనలో రిబోఫ్లేవిన్, విటమిన్లు, విటమిన్ బి-12 వంటి పోషకాలు ఉంటాయి. ఇందులో ఐరన్ కూడా ఉంటుంది. గుడ్డు పచ్చసొనలో కోలిన్ ఉంటుంది. ఇది మెదడు అభివృద్ధికి, పనితీరుకు అవసరం. గుడ్డు సొనలు రోజంతా శక్తిని అందించగల అధిక-నాణ్యత ప్రోటీన్ను కలిగి ఉంటాయి. గుడ్డు పచ్చసొనలో ఆరోగ్యకరమైన కొవ్వులు ఉంటాయి. ఇవి హెచ్డీఎల్ స్థాయిని పెంచుతాయి. అంటే మంచి కొలెస్ట్రాల్ను పెంచుతాయి. గుడ్డు పచ్చసొనలో ఉండే విటమిన్ డి కాల్షియం శోషణలో సహాయపడుతుంది. బలమైన ఎముకలను ప్రోత్సహిస్తుంది.
అదే విధంగా గుడ్డులోని పచ్చసొనలో ఉండే యాంటీ ఆక్సిడెంట్లు చర్మ స్థితిస్థాపకతను పెంచి, వృద్ధాప్య లక్షణాలను తగ్గిస్తాయి. ఇదే సమయంలో వయసు రీత్యా, అనారోగ్య సమస్యలు ఉన్న వారికి మాత్రం గుడ్డు పచ్చ సొన తినటం వలన కొన్ని సమస్యలు ఉంటాయని నిపుణులు హెచ్చరిస్తున్నారు. గుడ్డు పచ్చసొనలో డైటరీ కొలెస్ట్రాల్ ఎక్కువగా ఉంటుంది. ఇది శరీరంలో కొలెస్ట్రాల్ స్థాయిలను పెంచుతుంది. పచ్చసొన ఎక్కువగా తినడం వల్ల గుండె జబ్బులు వచ్చే చెడు కొలెస్ట్రాల్ పెరుగుతుంది. గుడ్లకు ఎలర్జీ ఉన్నవారు పచ్చసొన తినడం వల్ల సమస్యలను ఎదురయ్యే అవకాశం ఉంది. పచ్చి లేదా తక్కువ ఉడికించిన గుడ్డు పచ్చసొనలో సాల్మొనెల్లా బ్యాక్టీరియా ఉంటుంది. ఇది ఫుడ్ పాయిజనింగ్కు కారణమవుతుంది. ఇందులో కేలరీలు, కొవ్వు అధికంగా ఉంటాయి. ఎక్కువగా తింటే బరువు పెరిగే అవకాశం ఉంది. పచ్చసొనను తీసుకోవడం వల్ల కొంతమందికి జీర్ణ సమస్యలు తలెత్తుతాయి. దీంతో.. పరిమితంగా తీసుకోవటం ద్వారా సమస్యలు రాకుండా ఆరోగ్య పరంగా ప్రయోజనాలు పొందే అవకాశం ఉంటుందని నిపుణుల అభిప్రాయం. అయితే, గుండె జబ్బులు ఉన్న వారు, డయాబెటిస్ రోగులు, రక్తంలో కొలెస్ట్రాల్ స్థాయిలు ఎక్కువగా ఉన్నవారు, గౌట్ సమస్యలు ఉన్నవారు దీనికి దూరంగా ఉండడమే మంచిదని వైద్యులు సూచిస్తున్నారు.
Click it and Unblock the Notifications
Sign in with Google