ఉడికించిన అనపకాయలను తీసుకోండి చాలు..
అనపకాయ- దీనికి ఇండియన్ బీన్స్, పపాయా బీన్స్, ల్యాబ్లాబ్ బీన్స్, టోంగా బీన్స్, ఆస్ట్రేలియన్ పీస్ వంటి అనేక పేర్లున్నాయి. పశ్చిమ బెంగాల్లో దీనిని 'షీమ్' అని పిలుస్తారు. అనపకాయ మొక్క ఆకులు, వేర్లు, గింజలు, కాయలు, పువ్వులు అన్నీ తినదగినవే. మన రోజువారీ ఆహారం, వంటకాల్లో ఇది సర్వసాధారణమైన కూరగాయ. వంటకాల్లో మాత్రమే కాకుండా ఉడకబెట్టి తినడం వల్ల కూడా దీని పోషకాలు శరీరానికి అందుతాయి
ఇందులో పోషకాలు, విటమిన్లు, ఖనిజాలు, లిపిడ్ పుష్కలంగా ఉంటాయి. సంతృప్త కొవ్వు, కొలెస్ట్రాల్, సోడియం అధికం. ప్రొటీన్, ఫాస్ఫరస్, పొటాషియం, జింక్, కాపర్, మెగ్నీషియం, మాంగనీస్లకు ఇది అద్భుతమైన మూలం. దీనిలోని ప్రత్యేక పోషక విలువలు పలు వ్యాధుల నివారణకు తోడ్పడతాయి. అనపకాయలో లభించే జింక్ క్యాన్సర్తో పోరాడటానికి ఉపకరిస్తుంది. నేషనల్ లైబ్రరీ ఆఫ్ మెడిసిన్ సైతం ఇదే విషయాన్ని నిర్ధారించింది. జింక్ యాంటీఆక్సిడెంట్ గుణాలతో క్యాన్సర్ను నిరోధిస్తుందని ఈ జర్నల్ పేర్కొంది.
ఈ యాంటీఆక్సిడెంట్లు వృద్ధాప్య ప్రక్రియను నెమ్మదించగలవు. న్యూరోడిజెనరేటివ్ వ్యాధుల నివారణకు సహాయపడతాయి. అనపకాయ LDL (చెడు కొలెస్ట్రాల్) స్థాయిని తగ్గించి, గుండె సంబంధిత వ్యాధులు రాకుండా నిరోధిస్తుంది. విటమిన్ బీ1కు మంచి వనరు కావడం వల్ల గుండె కండరాల పనితీరును ఆరోగ్యంగా నిర్వహించగలుగుతుంది. అనపకాయలోని కరగని పీచుపదార్థాలు మలానికి తోడ్పడగా, కరిగే పీచుపదార్థాలు జీర్ణక్రియకు సహాయపడతాయి.
ఇది మలబద్ధకం, ఉబ్బరం, అజీర్ణం వంటి సమస్యలను నివారిస్తుంది. వాంతులు, అల్సర్, విరేచనాలు, నులిపురుగులు వంటి కడుపు రుగ్మతలకు చికిత్స చేయడంలో కూడా ఇది ఉపయోగపడుతుంది. అనపకాయలోని విటమిన్ డి, కాల్షియం, ఫాస్ఫరస్ ఎముకల ఆరోగ్యాన్ని కాపాడతాయి. జీర్ణవ్యవస్థకు ఫైబర్ చాలా మంచిది. ఆహారంలో అనపకాయలను చేర్చుకోవడం వల్ల ఫైబర్ శరీరానికి అందుతుంది. ఇందులో ఉండే పోషకాలు దంతాలను బలంగా ఉంచి, క్షయం నుండి రక్షిస్తాయి.
దీనిలోని పొటాషియం కండరాలను బలోపేతం చేసి, కండరాల తిమ్మిర్లను తగ్గిస్తుంది. అలాగే, మాంగనీస్, జింక్ ఊపిరితిత్తులు, శ్వాసకోశ సమస్యల నివారణకు కూడా సహాయపడతాయి. అనపకాయలోని అమైనో ఆమ్లాలు హార్మోన్లను సమతుల్యం చేస్తాయి. బరువు తగ్గాలనుకునేవారు ఈ గింజలను ఆహారంలో చేర్చుకోవాలి. ఇది కాంప్లెక్స్ కార్బోహైడ్రేట్లను కలిగి ఉంటుంది. ఇది కడుపు నిండిన భావనను ఇచ్చి, ఆహార కోరికలను తగ్గిస్తుంది. తద్వారా బరువు తగ్గడానికి సహాయపడుతుంది.
Click it and Unblock the Notifications
Sign in with Google