కొడవ స్టైల్ "పంది కర్రీ" ఎలా చేయాలంటే... "విజయ్ - రష్మిక" పెళ్లిలో కూడా ఇదే !

యంగ్ హీరో విజయ్ దేవరకొండ - స్టార్ బ్యూటీ రష్మిక మందన్న వివాహం అంగరంగ వైభవంగా జరిగింది. వీరిద్దరి వివాహం ఈరోజు ( ఫిబ్రవరి 26, 2026 ) ఉదయం ఉదయ్ పూర్ లోని ఐటీసీ హోటల్లో నిర్వహించారు. విజయ్ తెలుగు సంప్రదాయాలను, రష్మిక కూర్గ్‌లోని కొడవ వలస వారసత్వాన్ని కలిపి.. ఈ వివాహాన్ని రెండు విభిన్న సాంస్కృతిక గుర్తింపుల అందమైన సమ్మేళనంగా జరుపుకున్నారు. విందులో కూడా అటు తెలుగు, ఇటు కన్నడ స్పెషల్ వంటకాలను ఉంచినట్టు తెలుస్తోంది. మరి ముఖ్యంగా కర్ణాటకలోని కొడగు (కూర్గ్) ప్రాంతానికి ప్రత్యేక గుర్తింపుగా నిలిచే వంటకం కొడవ స్టైల్ పంది కర్రీ స్పెషల్ ఐటంగా వడ్డించినట్టు చెబుతున్నారు.

కాగా స్థానికంగా "పంది కర్రీ"గా ఇది ప్రసిద్ధి చెందింది. మసాలాల ఘాటు, నల్లటి గాఢమైన గ్రేవీ, ప్రత్యేకమైన వెనిగర్ రుచి - ఇవన్నీ కలిసే ఈ వంటకం అసలైన కొడవ సంస్కృతిని ప్రతిబింబిస్తుంది. కొడవ స్టైల్ పంది కర్రీలో ప్రధాన రహస్యం "కచ్చంపులి" అనే ప్రత్యేక వెనిగర్‌లో ఉంటుంది. ఇది స్థానికంగా తయారు చేసే ఒక రకమైన సిర్కా (vinegar). ఈ కచ్చంపులి వల్లే కర్రీకి ప్రత్యేకమైన పులుపు, లోతైన రుచి వస్తాయి. చాలా ఫ్లేవర్‌ఫుల్‌గా, స్పైసీగా ఉండే ఈ కర్రీ ఎలా చేయాలో మీకోసం ప్రత్యేకంగా..

కొడవ స్టైల్ పంది కర్రీ కోసం కావలసిన పదార్థాలు..

• పంది మాంసం - 500 గ్రా
• ఉల్లిపాయలు - 2 (సన్నగా తరిగినవి)
• అల్లం వెల్లుల్లి పేస్ట్ - 1 టేబుల్ స్పూన్
• పచ్చిమిర్చి - 2
• కారం - 1 స్పూన్
• మిరియాల పొడి - 1 స్పూన్
• ధనియాల పొడి - 1 స్పూన్
• పసుపు - ½ స్పూన్
• గరం మసాలా - 1 స్పూన్
• ఉప్పు - రుచికి సరిపడా
• కరివేపాకు - కొద్దిగా
• నూనె - 2 టేబుల్ స్పూన్లు
• నీరు - అవసరానికి
• కచ్చంపులి (లేకపోతే చిన్నగా వెనిగర్) - 1 టేబుల్ స్పూన్

తయారీ విధానం..

• ముందుగా పంది మాంసాన్ని బాగా కడిగి శుభ్రం చేసుకోవాలి.
• ఒక పాత్రలో నూనె వేడి చేసి, ఉల్లిపాయలు వేసి గోధుమ రంగు వచ్చే వరకు వేయించాలి.
• అల్లం వెల్లుల్లి పేస్ట్, పచ్చిమిర్చి వేసి వాసన పోయే వరకు వేయించాలి.
• ఇప్పుడు కారం, పసుపు, ధనియాల పొడి, మిరియాల పొడి వేసి కలపాలి.
• పంది మాంసం వేసి 5-10 నిమిషాలు బాగా వేయించాలి.
• ఉప్పు వేసి కొద్దిగా నీరు పోసి మూత పెట్టి మద్యమ మంటపై ఉడికించాలి.
• మాంసం మృదువుగా అయ్యాక, కరివేపాకు మరియు గరం మసాలా వేసి కలపాలి.
• చివర్లో కచ్చంపులి (లేక వెనిగర్) వేసి 2-3 నిమిషాలు ఉడికించాలి.

సర్వింగ్:

ఈ కర్రీని రాగి ముద్ద / అన్నం / చపాతీతో తింటే చాలా టేస్టీగా ఉంటుంది.

చిన్న టిప్:

కచ్చంపులి దొరకకపోతే, కొంచెం వెనిగర్ + నిమ్మరసం కలిపి వాడితే దగ్గరగా రుచి వస్తుంది.

English summary

Vijay Deverakonda and Rashmika Mandanna, who are known as the most loved couple in Tollywood, got married in a grand ceremony.