"కోడిగుడ్డు ఉలవచారు" ఎప్పుడైనా ట్రై చేశారా.. ఈజీగా ఎలా చేయాలంటే ?
తెలుగు రాష్ట్రాలలోని వంటకాలలో ప్రాముఖ్యమైన, ప్రతి ఇంటి వంటగదిలో ప్రత్యేక స్థానం సంపాదించుకున్న పదార్థం ఉలవచారు. ఇది కేవలం ఒక చారు మాత్రమే కాకుండా మన సంస్కృతి, రైతు వంటకాలు, సంప్రదాయ రుచులకి ముద్ర వేసిన ప్రాముఖ్యమైన ఆహారం. శీతాకాలం వచ్చినప్పుడు ఇంటింటా వీడి వాసనతో మనల్ని పిలుస్తుంది ఈ ఉలవచారు. అయితే సాధారణంగా మనం ఉలవచారు, కోడిగుడ్డు కూరలను విడిగా వండుకుని ఆస్వాదిస్తుంటాం.
కానీ ఈ రెండింటికీ తమ తమ ప్రత్యేకమైన రుచి, ఫ్యాన్ ఫాలోయింగ్ ఉంటుంది. ఈ రెండు వేర్వేరు వంటకాలను కలిపి చేస్తే ఎలా ఉంటుందో ఎప్పుడైనా ఆలోచించారా? వినడానికి కొత్తగా అనిపించినా, "కోడిగుడ్డు ఉలవచారు" అనే ఈ కాంబినేషన్ నిజంగా అసలైన ఫుడ్ లవర్స్కు ఫేవరెట్ అయ్యే డిష్ అని చెబుతున్నారు. ఉలవచారు యొక్క ఎర్తీ ఫ్లేవర్, గుడ్ల రిచ్ టేస్ట్, క్రీమ్ టెక్చర్ కలిపి ఒక అద్భుతమైన రుచిని కలిగిస్తాయని అంటున్నారు. ఇంట్లో సింపుల్గా ఉన్న పదార్థాలతోనే కేవలం కొన్ని నిమిషాల్లో రెస్టారెంట్ స్టైల్ లో ఏఏ వంటకం ఎలా చేయాలో మీకోసం ప్రత్యేకంగా..
అవసరమైన పదార్థాలు..
- కోడిగుడ్లు - 5
- ఉలవచారు - 1 కప్పు
- పచ్చిమిర్చి - 5 నుంచి 6
- సన్నగా తరిగిన ఉల్లి - 1 కప్పు
- కరివేపాకు - కొద్దిగా
- అల్లం-వెల్లుల్లి పేస్ట్ - 1 స్పూన్
- పసుపు - అర స్పూన్
- కారం - రుచికి సరిపడా
- గరం మసాలా - 2 స్పూన్లు
- టమాటా గుజ్జు - అర కప్పు
- ఉప్పు - తగినంత
- కొత్తిమీర - పావు కప్పు
- ఫ్రెష్ క్రీమ్ - అర కప్పు
- నూనె - అవసరమైనంత
తయారీ విధానం..
- ఒక కప్పు ఉలవచారును ముందుగానే సిద్ధం చేసుకోవాలి.
- కోడిగుడ్లను నీళ్లలో వేసి బాగా ఉడికించాలి. ఉడికిన తర్వాత పొట్టు తీసి పక్కన పెట్టుకోవాలి.
- ఉల్లిపాయ, పచ్చిమిర్చి సన్నగా తరిగి సిద్ధం చేసుకోవాలి. టమాటాలను శుభ్రంగా కడిగి మిక్సీలో వేసి గుజ్జులా చేసుకోవాలి.
- స్టవ్పై ఒక పెద్ద పాన్ పెట్టి నూనె వేడి చేయాలి.
- నూనె వేడయ్యాక సన్నగా తరిగిన ఉల్లి వేసి లేత గోధుమరంగు వచ్చే వరకు వేయించాలి.
- ఇప్పుడు ఉడికిన గుడ్లను మధ్యలో చిన్న కోట్లు పెట్టి పాన్లో వేసి ఉల్లిపాయలతో కలిపి కొద్దిగా రోస్ట్ చేయాలి.
- అల్లం వెల్లుల్లి పేస్ట్ వేసి పచ్చివాసన పోయే వరకు వేయించాలి.
- వెంటనే టమాటా గుజ్జు వేసి ఒక నిమిషం వేయించాలి.
- ఆపై మూతపెట్టి టమాటా నుంచి నూనె వేరుపడే వరకు మధ్యమధ్యలో కలుపుతూ మగ్గించాలి.
- ఇప్పుడు పసుపు, కారం, గరం మసాలా వేసి బాగా కలపాలి. అలానే చిక్కని ఉలవచారు, కరివేపాకు, సరిపడా ఉప్పు వేసి మిశ్రమాన్ని బాగా కలపాలి.
- ఫ్రెష్ క్రీమ్ కలపడం వల్ల కూరకు క్రీమీ టెక్చర్, రిచ్ రుచి వస్తుంది.
- మూతపెట్టి 5-6 నిమిషాలు మీడియం ఫ్లేమ్లో ఉడికించాలి. నూనె పైకి తేలితే కూర సిద్ధమైనట్లు.
- చివరగా కొత్తిమీర వేసి నెమ్మదిగా కలిపి స్టవ్ ఆఫ్ చేయాలి.
గమనిక..
- మరింత రుచిగా కావాలంటే పై నుంచి అర చెంచా నెయ్యి వేస్తే చాలు.
- ఉలవపప్పు చారులో ఉన్న ప్రోటీన్, మినరల్స్, ఫైబర్ గుడ్ల ప్రోటీన్తో కలసి ఈ కూరను పూర్తిగా న్యూట్రీషస్గా మారుస్తాయి.
- క్రీమ్, టమాటా బ్యాలెన్స్ వల్ల స్పైసీ-క్రీమీ ఫ్లేవర్ ఒకేసారి అనిపిస్తుంది.
- ఈ కూరను బ్రేక్ఫాస్ట్, లంచ్, డిన్నర్-ఏ టైమ్లోనైనా సింపుల్గా తినవచ్చు.
- ఇపుడు ట్రెండ్లో ఉన్న ఫ్యూజన్ ఫుడ్లకు ఇది పర్ఫెక్ట్ ఉదాహరణ.
- పిల్లలకు గుడ్లు తినడం ఇష్టమైతే, ఈ కూర సూపర్ హిట్ అవుతుంది.
- వేడి వేడి అన్నంలో, బట్టర్ రోటీలో, చపాతీలో, పులావ్లో.. ఈ కూర ఓసారి తింటే మళ్లీ మళ్లీ తినాలనిపించేలా చేస్తుందని వెల్లడిస్తున్నారు.
Click it and Unblock the Notifications
Sign in with Google