టేస్టీ, హెల్దీ పుదీనా రైస్.. ఇలా చేస్తే మొత్తం ఖాళీ చేస్తారు!
అందరూ ఇష్టంగా తినే రుచికరమైన, ఆరోగ్యాన్నిచ్చే సులువుగా తయారుచేయగల ఒక అద్భుతమైన వంటకం పుదీనా రైస్. ఈ సింపుల్ పుదీనా రైస్ తయారీ చాలా సులభం; కూరగాయలు కలిపితే అది వెజిటబుల్ రైస్ అవుతుంది, కానీ పుదీనా ఆకులు కలిపితే అది పుదీనా రైస్ గా మారుతుంది.పుదీనా రైస్లో ఉపయోగించే పదార్థాలు వెజిటబుల్ పులావ్కు దాదాపు సమానంగా ఉన్నప్పటికీ, తయారీ విధానం మరియు రుచి విభిన్నంగా ఉంటాయి.
పుదీనా రైస్
దీనిని చల్లని, రుచికరమైన రైతాతో వడ్డిస్తే అద్భుతంగా ఉంటుంది. ఈ పుదీనా రైస్ ను అనేక పద్ధతుల్లో చేయవచ్చు, అయితే ఇక్కడ అత్యంత వేగవంతమైన విధానాన్ని తెలుసుకుందాం. మిగిలిపోయిన అన్నంతో కూడా పుదీనా రైస్ చేయవచ్చు. మామూలు పులావ్ మాదిరిగానే దీనిని తయారుచేసుకోవచ్చు.
కావాల్సిన పదార్ధాలు
బాస్మతి రైస్ - 1 కప్ (వండినది)
పుదీనా ఆకులు - 1 కట్ట (పెద్దది)
కొత్తిమీర - ½ కట్ట
పచ్చి మిర్చి - 3-4
వెల్లుల్లి - 4-5 పళ్ళు
అల్లం - చిన్న ముక్క
ఉల్లిపాయ - 1 (చిన్నది)
టమాటా - 1 (ఇష్టాన్ని బట్టి)
జీలకర్ర - 1 tsp
శనగపప్పు, మినపప్పు - 1 tsp
కరివేపాకు - రెండు కొమ్మలు
నెయ్యి / నూనె - 2-3 tbsp
ఉప్పు - తగినంత
నిమ్మరసం - ½ tsp (ఇష్టాన్ని బట్టి)
తయారీ విధానం
ముందుగా పుదీనా ఆకులు, కొత్తిమీర, పచ్చి మిర్చి, వెల్లుల్లి, అల్లం తీసుకొని గ్రైండర్లో మెత్తగా పేస్ట్ చేసుకోండి. ఎక్కువ నీళ్లు వేయకుండా పేస్ట్ చేసుకోవాలి. ఒక పాన్ లో లేదా కుక్కర్లో నెయ్యి గానీ నూనె గానీ వేడి చేసి, జీలకర్ర, శనగపప్పు, మినపప్పు, కరివేపాకు వేసి వేయించండి. ఉల్లిపాయ ముక్కలు వేసి గోల్డెన్ బ్రౌన్ అయ్యే వరకు వేయించండి.టమాటా ముక్కలు వేసి కొద్దిగా వేయించండి.
రుచికరమైన పుదీనా రైస్ రెడీ
తర్వాత నూరి పెట్టుకున్న పుదీనా పేస్ట్ వేసి 2-3 నిమిషాలు మంచి వాసన వచ్చేవరకు వేయించండి. వండిన రైస్ వేసి, ఉప్పు వేసి బాగా మిక్స్ చేయండి. మూత పెట్టి 3-4 నిమిషాలు low flame మీద ఉంచండి. అంతే రుచికరమైన పుదీనా రైస్ రెడీ అవుతుంది. పైన నిమ్మరసం పిండి, కొత్తిమీరతో గార్నిష్ చేసి సర్వ్ చేస్తే చాలా అద్భుతంగా ఉంటుంది.
Click it and Unblock the Notifications
Sign in with Google