కాళ్ల మీదే నిలబడ్డా....
తన కుమారుడి అల్లరి చిల్లర పనులతో, ఏవి పట్టించుకోని తత్వంతో సుబ్బారావు విసిగిపోయాడు. కొడుక్కి బాధ్యత గుర్తు చేయాల్సిందేనని ఓ రోజు నిశ్చయించుకున్నాడు. ఇద్దరు కలిసి భోంచేస్తున్నారు.
ఇదే తగిన సమయమని నిర్ణయించుకున్న సుబ్బారావు ఉపోద్ఘాతం ప్రారంభించాడు - కొంత వయస్సు వచ్చిన తర్వాత నీ కాళ్ల మీద నువ్వు నిలబడడానికి ప్రయత్నించాలి అన్నాడు.
ఏ మాత్రం జంకకుండా - నా కాళ్ల మీద నేనే నిలబడ్డాను, డాడీ అని జవాబు ఇచ్చాడు పుత్రరత్నం.
దాంతో కోపం నషాళానికి ఎక్కిన సుబ్బారావు - నువ్వు నిలబడలేదు, కూర్చుని మెక్కుతున్నావు అన్నాడు.
.... ....
వరహాల రావు ఇంటికి బంధువు వచ్చాడు. బంధువును సాదరంగా ఆహ్వానించాడు వరహాలరావు.
కాసేపు యోగక్షేమాలు మాట్లాడుకున్న తర్వాత - సమయం చాలా అయింది, భోజనం చేద్దాం, రండి అన్నాడు వరహాలరావు.
ఆకలిగా ఉంది, మీ మాటతో నా కడుపు నిండింది అన్నాడు బంధువు
కడుపు నిండితే తినడమెందుకు అలా కాస్తా కునుకు తీయండి అన్నాడు వరహాలరావు.
ఆ మాటతో వచ్చిన బంధువు నివ్వెరపోయాడు.
Click it and Unblock the Notifications
Sign in with Google