ఊరికే, అట్లే కానిమ్ము...

By Pratap

Published: Friday, May 4, 2012, 15:02 [IST]

మహాకవి శ్రీశ్రీ గురించి అందరికీ తెలుసు. తన కవిత్వంలో నిప్పులు కురిపించిన శ్రీశ్రీ జోక్స్ వేయడంలో ఆరి తేరారు. ఆయన జోక్స్‌ ఎల్లవేళలా నవ్వు పుట్టిస్తూనే ఉన్నాయి. తెలుగు భాషపై ఆయనకు విశేషమైన పట్టు ఉంది. ఆ పట్టుతో పదాలతో ఆయన ఆటాడుకున్నారు.

ఓసారి శ్రీశ్రీ రైలులో ఊరికి బయలుదేరారు. మిత్రుడొకతను కలిసి ఊరికి వెళ్తున్నారా అని అడిగాడట.

ఆయన ఏ మాత్రం తడుముకోకుండా ఊరికే అన్నారట.

...... ..... ......

అలాగే మరోటి కూడా చాలా ప్రజాదరణ పొందింది. టిఫిన్ చేయడానికి మిత్రులతో కలిసి శ్రీశ్రీ ఓ హెటల్‌కు వెళ్లాడు.

టిఫిన్స్ ఏమున్నాయని శ్రీశ్రీ అడిగాడట

వెయిటర్ లిస్టు చదువుతూ అట్లు.... అని చెబుతుంటే

అట్లే కానిమ్ము అని శ్రీశ్రీ అన్నాడు.

Published On May 4, 2012