Astrology: కృత్తిక నక్షత్రంలో సూర్య సంచారం: ఈ రాశులకు మహర్దశ!!

గ్రహాలు ఒక రాశి నుంచి మరొక రాశిలోకి ప్రయాణం చేయడం, ఒక నక్షత్రం నుంచి మరొక నక్షత్రంలోకి ప్రయాణం చేయడం అన్ని రాశులవారి జీవితాలపైన ప్రభావాన్ని చూపిస్తుంది. సూర్యుడు ఒకరాశి నుండి మరొక రాశికి వెళ్లడానికి 30రోజుల సమయం పడుతుంది. సంవత్సర కాలంలో మొత్తం 12రాశులను సూర్యుడు చుట్టి వస్తాడు. ఇక సూర్యసంచారం కారణంగా, సూర్యుడు ఆయా జాతకుల జాతక చార్టులలో ఉన్న స్థానాన్ని బట్టి సానుకూల, ప్రతికూలఫలితాలు కలుగుతాయి.

కృత్తికా నక్షత్రంలో సూర్యుడు
సూర్యుడు రాశులను మారినట్టే నక్షత్రాలను కూడా మార్చుకుంటాడు. ఇక మే నెలలో సూర్యుడు నక్షత్రాన్ని మార్చుకోబోతున్నాడు. మే 11వ తేదీన 7.13నిమిషాలకు కృత్తికా నక్షత్రంలో సూర్యుడు సంచరిస్తాడు. మే 25వ తేదీ ఉదయం 3.27నిమిషాల వరకు అక్కడే ఉంటాడు. కృత్తిక నక్షత్రం సూర్యుడి నక్షత్రం కావడంతో, కృతిక నక్షత్రం లోకి సూర్యుడు ప్రవేశం చాలా రాశుల వారికి శుభప్రదంగా పరిణమిస్తుంది. మరి ఆ రాశులు ఏమిటో ప్రస్తుతం మనం తెలుసుకుందాం.

కర్కాటక రాశి
కృత్తికా నక్షత్రంలో సూర్య సంచారం కర్కాటక రాశి వారికి చాలా ప్రయోజనకరంగా ఉంటుంది. కర్కాటక రాశి జాతకులకు పెండింగ్లో ఉన్న పనులన్నీ ఈ సమయంలో పూర్తి చేయబడతాయి. ఉద్యోగులకు ఈ సమయం అనుకూలంగా ఉంటుంది. ప్రమోషన్లు ఇంక్రిమెంట్లు వచ్చే అవకాశం ఉంది. వ్యాపారాలు చేసే వారికి ఈ సమయం లాభదాయకంగా ఉంటుంది. కుటుంబంతో సంతోషంగా గడపడానికి ఇది అనుకూలమైన సమయం.సమాజంలో పేరు ప్రతిష్టలు లభిస్తాయి. ఆర్థికస్థితి మెరుగ్గా ఉంటుంది.

కన్యారాశి
కృత్తిక నక్షత్రంలో సూర్య సంచారం కన్యా రాశి వారికి చాలా అనుకూలంగా ఉంటుంది. ఈ సమయంలో కన్యారాశి జాతకులకు ఆర్థికంగా లాభదాయకంగా ఉంటుంది. అదృష్టం మీరు వెన్నంటే ఉంటుంది. ఉద్యోగులకు కూడా మంచి సమయం. పనిచేసే చోట గుర్తింపు లభిస్తుంది. స్నేహితులు, కుటుంబ సభ్యులతో గడిపే అవకాశం ఉంటుంది. కృత్తికా నక్షత్రంలో సూర్య సంచారం వల్ల కన్యా రాశి వారి విదేశాలలో చదువుకోవాలని భావిస్తే ఆ కలలు నెరవేరుతాయి.

ధనుస్సు రాశి
ధనుస్సు రాశి జాతకులు కృత్తికా నక్షత్రంలో సూర్య సంచారం కారణంగా చాలా లబ్ధిని పొందుతారు. ఆధ్యాత్మికత మరియు మతం పట్ల వారి విశ్వాసం మరింత పెరుగుతుంది. ఉద్యోగస్తులకు ప్రమోషన్లు, ఇంక్రిమెంట్లు వస్తాయి. నిరుద్యోగులకు ఉద్యోగ అవకాశాలు లభిస్తాయి. శత్రువుల పై ఆధిపత్యం చెలాయించడానికి ఈ సమయం పనికొస్తుంది. మంచి ఆరోగ్యాన్ని ఫిట్నెస్ ని సాధించడానికి ఇదే సరైన సమయం. పోటీ పరీక్షలకు సిద్ధమయ్యే విద్యార్థులు మంచి ఫలితాలను పొందుతారు. సూర్య సంచారం వల్ల ధనుస్సు రాశి జాతకుల అదృష్టం ప్రకాశిస్తుంది.

disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.

English summary

Sun transit in krittika Nakshatra will take place on 11th of this month. This will give wealth and good fortune to the people of Cancer, virgo and sagittarius.