కామిక ఏకాదశి నేడే: ప్రాముఖ్యత ఇదే; విష్ణువును ఇలా పూజిస్తే మీ బతుకు బంగారం!!
శ్రీ మహా విష్ణువుకి అత్యంత ఇష్టమైన, పరమపవిత్రమైన కామిక ఏకాదశి జూలై 13వ తేదీన అంటే నేడు జరుపుకుంటున్నాము. కామిక ఏకాదశి జులై 12వ తేదీ సాయంత్రం 6 గంటల 01 నిమిషాలకు ప్రారంభమైనప్పటికీ, ఉదయం వచ్చిన తిధిని ప్రమాణికంగా తీసుకుంటాం కాబట్టి జూలై 13 వ తేదీన కామిక ఏకాదశి గా జరుపుకుంటున్నాం. జూలై 13వ తేదీ సాయంత్రం 6 గంటలకు 26 నిమిషాలకు కామిక ఏకాదశి ముగుస్తుంది.
అసలు కామిక ఏకాదశి అంటే ఏమిటి? దాని ప్రాముఖ్యత ఏమిటి? కామిక ఏకాదశి నాడు పూజా విధి విధానాలు ఏమిటి? వంటి వివరాలను ప్రస్తుతం తెలుసుకుందాం. హిందూ పంచాంగం ప్రకారం శ్రావణ మాసంలోని కృష్ణ పక్షంలో పదకొండవ రోజున కామిక ఏకాదశి జరుపుకుంటాం. కామిక ఏకాదశి కి చాలా ప్రాముఖ్యత ఉంది.
శ్రీ మహావిష్ణువును పూజించి, ఉపవాస దీక్షను ఆచరిస్తే జీవితంలో ఎదురయ్యే సమస్యల నుండి ఉపశమనం పొందుతారని, పాపాలు పోగొట్టుకొని, మోక్షాన్ని పొందే మార్గాన్ని చూడగలుగుతారు అని చెబుతారు. ఈ రోజున ఎవరైతే శ్రీమహావిష్ణువును విశేషంగా పూజిస్తారో వారు గొప్ప ఫలితాలను చూడవచ్చని చెబుతారు. కామిక ఏకాదశి యొక్క కథను శ్రీ కృష్ణుడు స్వయంగా ధర్మరాజుకు చెప్పినట్టుగా చెబుతారు.
కామిక ఏకాదశి రోజు సూర్యోదయానికి ముందే నిద్ర లేవాలి. తలస్నానం చేసి, ఉపవాస దీక్షను ఆచరిస్తూ విష్ణువును పూజించి, దీపారాధనతో రోజును ప్రారంభించాలి. చిన్న పీఠాన్ని ఏర్పాటు చేసి గంగాజలంతో దానిని శుద్ధి చేసి దానిపై పసుపు వస్త్రంతో అలంకరించి విష్ణువు చిత్రాన్ని ఉంచాలి. గంగాజలంతో విష్ణువుకి అభిషేకం చేయాలి. విష్ణువుకు నైవేద్యంగా అరటి పండ్లు, మామిడి పండ్లు, పంచామృతాలు కలిపి సమర్పించాలి.
తులసి యొక్క పవిత్రమైన ఆకులతో, పచ్చని పూలతో పూజించాలి. కామిక ఏకాదశి కథ చదవాలి. ఇక ఈ రోజు ఉపవాసం చేసి రాత్రి భగవన్నామ స్మరణతో, భగవంతుడి ధ్యానంతో గడపాలి. ఏకాదశి మరుసటి రోజున బ్రాహ్మణుడికి భోజనం సిద్ధం చేసి, భోజనం పెట్టి, దక్షిణ సమర్పించి, ఆపై పరణ ముహూర్త సమయంలో ఉపవాస దీక్షను విరమించి భోజనం చేయాలి.
కామిక ఏకాదశి నాడు పరణ ముహూర్తం జూలై 14 వ తేదీ ఉదయం 5 గంటల 32 నిమిషాల నుండి ఉదయం 8 గంటల 18 నిమిషాల వరకు ఉంది. ఈ సమయంలోనే ఉపవాస దీక్షను విరమించాలి. నేడు చేసే ఈ పూజ చాలా విశేషమైన ఫలితాలను ఇస్తుంది.
disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.
Click it and Unblock the Notifications
Sign in with Google