ఫాల్గుణమాసంలో నెలంతా 12 రాశులవారికి శుభఫలితాలకు పరిహారాలు!!

ఉత్తర భారతదేశంలో సూర్యమానం ప్రకారం ఫిబ్రవరి 25వ తేదీ ఆదివారం నుంచి ఫాల్గుణ మాసం ప్రారంభమైంది. ఫాల్గుణ మాసం మార్చి 25వ తేదీ వరకు కొనసాగుతుంది . ఈ ఫాల్గుణ మాసంలో అనేక హిందూ పండుగలు వస్తున్నాయి. ఉత్తర భారతదేశంలో మహాశివరాత్రి, హోలీ వంటి పర్వదినాలు ఫాల్గుణ మాసంలోనే నిర్వహిస్తారు. ఇక దక్షిణ భారతదేశంలో చాంద్రమానం ప్రకారం మార్చి 11 వ తేదీన ఫాల్గుణ మాసం మొదలవుతుంది.

ఇక ఈ క్రమంలో ఈ మాసంలో 12 రాశుల వారు మంచి ఫలితాల కోసం చేయవలసిన పరిహారాలను ఇక్కడ తెలుసుకుందాం. ఫాల్గుణ మాసంలో మేషరాశిలో ఉన్నవారు ఇంటి నుండి బయలుదేరే ముందు చక్కెర కలిపిన నీళ్లను తాగాలి. ఈ మాసంలో వీరు తమ తల్లుల సేవ చేయాలి, వారి నుండి ఆశీర్వాదాన్ని పొందాలి.

ఫాల్గుణ మాసంలో వృషభ రాశి వారు ఇంటికి ఈశాన్య మూలలో నెయ్యి దీపం వెలిగించి, ప్రతిరోజు కనకధారా స్తోత్రం పారాయణం చేస్తే సత్ఫలితాలు వస్తాయి. ఫాల్గుణ మాసంలో మిధున రాశి వారు పేదలకు పెరుగు మరియు పాలు అందించాలి. ప్రతిరోజు శివుడికి నీటిని సమర్పించాలి. ఫాల్గుణ మాసంలో కర్కాటక రాశి వారు చంద్రకాంతిలో కూర్చొని ప్రతిరోజు 108 సార్లు చంద్రుని మంత్రాలను జపించాలి. పాలు, పెరుగు దానం చేయాలి.

ఫాల్గుణ మాసంలో సింహ రాశి వారు సూర్యభగవానుడికి కొద్దిగా బెల్లం కలిపిన నీళ్లను సమర్పించాలి. లక్ష్మీదేవిని ప్రతిరోజు పూజించాలి. కన్యా రాశి వారు ప్రతిరోజు ఆవులకు ఆకుకూరలు తినిపించాలి. లక్ష్మీదేవిని ఎర్రటి పువ్వులతో ప్రతిరోజు పూజించాలి. ఫాల్గుణ మాసంలో తులారాశి వారు తెలుపు రంగు దుస్తులను ధరించాలి. పరమశివుని తప్పనిసరిగా పూజించాలి.

వృశ్చిక రాశి వారు ఫాల్గుణ మాసంలో చంద్రుడికి పచ్చిపాలు మరియు నీరు కలిపి నైవేద్యంగా నివేదించాలి. చంద్రుడి మంత్రాలను పఠించాలి. ధనుస్సు రాశి వారు ఫాల్గుణ మాసంలో ప్రతిరోజు తులసి పూజ చేసి రోజు ఒక ఆకును సేవించాలి. ఫాల్గుణ మాసంలో మకర రాశి వారు తమ తల్లులను జాగ్రత్తగా చూసుకోవాలి. ఎర్రటి పూలతో లక్ష్మీదేవిని పూజించాలి.

కుంభ రాశి వారు ఫాల్గుణ మాసంలో ప్రతిరోజు శివుని ఆరాధించాలి. శివలింగానికి నీటిని సమర్పించేటప్పుడు ఓం నమశ్శివాయ మంత్రాన్ని జపించాలి. పేదలకు నల్ల రంగు దుస్తులను దానం చేయాలి. ఫాల్గుణ మాసంలో మీన రాశి వారు తెల్ల చందనం నెయ్యి పాలు మరియు పెరుగు వంటి వస్తువులను పేదలకు లేదా దేవాలయాలలో దానం చేయాలి. ప్రతిరోజు విష్ణు సహస్రనామాలు పారాయణం చేయాలి. నుదుటిపై తెల్లని విభూతిని ధరించాలి.

English summary

The month of Phalgun will continue from Sunday 25th February to 25th March. And in this order, let's know the compensations to be done by the 12 zodiac signs for good results in this phalguna month.