మే 27న వ్యాఘాత యోగం: ఈ 4 రాశులవారికి తీవ్ర కష్టాలు, నష్టాలు; జాగ్రత్త!!
జ్యోతిష్య శాస్త్రంలో ఉన్న 27 యోగాలలో 13వ యోగం వ్యాఘాత యోగం. ఇది చాలా అశుభ యోగం. ఈ యోగం ఉన్న రోజు ఎవరైనా ఎటువంటి పనినైనా తలపెడితే వారికి ఖచ్చితంగా నష్టం జరుగుతుంది. ప్రతికూలత, అనారోగ్యం, దుఃఖం, దురదృష్టం ఈ యోగం వల్ల వెంటాడుతాయి.
వ్యాఘాత యోగం సమయంలో ఏదైనా శుభకార్యం చెయ్యాలని చూసినా, లేదా ఏదైనా కార్యక్రమం చేయాలని భావించిన సానుకూల ఫలితాలు రావని చెబుతున్నారు. ఈ యోగం సమయంలో ఎవరైనా జన్మిస్తే వారు మూర్ఖంగా ఉండవచ్చునని, క్రూరంగా ప్రవర్తించవచ్చు నని చెబుతున్నారు. అంతేకాదు వారి జీవితంతో ఆర్థిక ఇబ్బందులు కూడా ఎదుర్కోవాల్సి వస్తుందని అంటున్నారు.
ఈ సంవత్సరం వ్యాఘాత యోగం రేపు ఏర్పడుతుంది. ఈ యోగం వల్ల 4 రాశుల వారు తీవ్ర ఇబ్బందులు ఎదుర్కోవాల్సి వస్తోంది. మే 27వ తేదీన వ్యాఘాత యోగం 07:56 నిమిషాల వరకు ఉంటుంది. ముఖ్యంగా వ్యాఘాత యోగం వల్ల సింహ రాశి, తులా రాశి, వృశ్చిక రాశి, మిధున రాశి జాతకులు తీవ్ర ఇబ్బందులను ఎదుర్కోవాల్సి వస్తుంది.
సింహ రాశి జాతకులు వృత్తిపరంగా రకరకాల సమస్యలు ఎదుర్కొనే అవకాశం ఉంటుంది. ఈ సమయంలో మీకు పరిస్థితులు ఏ విధంగానూ అనుకూలించవు. కాబట్టి ఇతరులతో ప్రవర్తించే సమయంలో జాగ్రత్తగా ఉండాలని సూచించబడింది. ఈ సమయంలో అనేక నష్టాలు కలిగే అవకాశం ఉంది. మీరు చేసే పనిలో మీ అధికారులతో ఇబ్బందుల్లో పడవచ్చు అంతేకాదు ఉద్యోగాన్ని కూడా కోల్పోయే ప్రమాదం ఉంటుంది. ఈ సమయంలో పెట్టుబడి పెట్టడానికి దూరంగా ఉండాలని సూచించబడింది.
వ్యాఘాత యోగం ప్రభావం మిధున రాశి జాతకులపై ఉంటుంది. మిధున రాశి జాతకులు వ్యాపారంలో నష్టాలను ఎదుర్కోవాల్సి వస్తుంది. కుటుంబ సభ్యులతో గొడవలు జరిగే అవకాశం ఉంటుంది. ఈ పరిస్థితులు మానసిక ప్రశాంతతకు భంగం కలిగించే అవకాశం ఉంది. మిధున రాశి జాతకులు ఆర్థిక నష్టాలను ఎదుర్కోవాల్సి వస్తుంది. మోసపోయే అవకాశం ఎక్కువగా ఉన్న కారణంగా ఈరోజు జాగ్రత్తగా ఉండాలని ఎటువంటి వ్యాపార ఒప్పందాలపైన కీలక నిర్ణయాలు తీసుకోవద్దని సూచించబడింది.
వ్యాఘాత యోగం వల్ల తులా రాశి జాతకులు ఇబ్బందులు పడే అవకాశం ఉంది. అందుకే తులా రాశి జాతకులు మే 27వ తేదీన జాగ్రత్తగా ఉండాల్సిన అవసరం ఉంది. నమ్మిన వారే మోసం చేసే ప్రమాదం ఉంది. కాబట్టి ఆర్థిక లావాదేవీల విషయంలో జాగ్రత్త అవసరం అని సూచించబడింది. మే 27వ తేదీన ఎలాంటి పెట్టుబడి పెట్టకూడదని సలహా ఇస్తున్నారు.
వృశ్చిక రాశి జాతకులకు కూడా వ్యాఘాత యోగం నష్టాలను కలిగిస్తుంది. వృశ్చిక రాశి జాతకులు మే 27వ తేదీన పొరపాటున కూడా ఏ కొత్త ప్రాజెక్టులను, ముఖ్యమైన పనులను ప్రారంభించకూడదని చెబుతున్నారు . ఈ యోగం గడిచేవరకూ వేచి ఉండి ఆ తర్వాత ఏవైనా కొత్త పనులు చేసుకోవచ్చని సలహా ఇస్తున్నారు..
disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.
Click it and Unblock the Notifications
Sign in with Google