Mauni Amavasya 2026: ఈ రాత్రికి ఈ ఒక్క పని చేస్తే చాలు.. మీ ఇంట్లో కనకవర్షమే!

Mauni Amavasya 2026: ఈ రోజు మౌని అమావాస్య. హిందూ ధర్మంలో ఆత్మశుద్ధికి, ఆధ్యాత్మిక సాధనకు ఈ రోజు అత్యంత పవిత్రమైనది. మౌన వ్రతం, పవిత్ర స్నానాలు, దానధర్మాలకు ఈ రోజు పెట్టింది పేరు. జ్యోతిష్య శాస్త్రం ప్రకారం మౌని అమావాస్య నాడు సాయంత్రం లేదా రాత్రి వేళ కొన్ని ప్రత్యేక పరిహారాలు చేయడం వల్ల పేదరికం తొలగిపోయి అష్టైశ్వర్యాలు సిద్ధిస్తాయని పండితులు చెబుతున్నారు.

మౌని అమావాస్య రాత్రి చేయవలసిన ఆ 4 ముఖ్యమైన పనులు ఇవే:

1. తులసి పూజ: ధన ప్రాప్తి కోసం
మౌని అమావాస్య సాయంత్రం తులసి మొక్క వద్ద ఆవు నెయ్యితో దీపం వెలిగించి, మొక్క చుట్టూ ప్రదక్షిణలు చేయాలి. ఆ తర్వాత అక్కడే కాసేపు కూర్చుని లక్ష్మీదేవి మంత్రాలను జపించాలి. శాస్త్రాల ప్రకారం తులసిని లక్ష్మీ స్వరూపంగా భావిస్తారు. ఇలా చేయడం వల్ల ఇంట్లో ధనధాన్యాలకు కొరత ఉండదు.

2. రాహు-కేతు దోష నివారణ
జాతకంలో రాహు-కేతువుల ప్రతికూల ప్రభావం ఉన్నవారు ఈ రోజు సాయంత్రం శివాలయానికి వెళ్లాలి. పరమశివునికి రుద్రాక్ష మాలను సమర్పించి, అదే మాలతో 108 సార్లు శివ మంత్రాన్ని జపించాలి. జపం ముగిసిన తర్వాత ఆ మాలను ధరించడం లేదా మీ వద్ద ఉంచుకోవడం వల్ల రాహు-కేతువుల అశుభ ప్రభావం తగ్గి.. పనులన్నీ సజావుగా సాగుతాయి.

3. దానధర్మాలు: మోక్షం, ఐశ్వర్యం
మౌని అమావాస్య నాడు దానం చేయడం వల్ల విశేష ఫలితాలు లభిస్తాయి. మీ స్తోమతను బట్టి పేదవారికి అన్నం, వస్త్రాలు, నల్ల నువ్వులు, బెల్లం దానం చేయాలి.

వివిధ రకాల దానాలు:

*గో దానం: మోక్షం కోసం.

*భూ దానం: ఆర్థిక వృద్ధి కోసం.

*స్వర్ణ దానం: రోగాలు, అప్పుల నుంచి విముక్తి కోసం.

నెయ్యి దానం: కుటుంబ సుఖశాంతుల కోసం.

4. పితృదేవతల కోసం దీపారాధన
మౌని అమావాస్య నాడు సాయంత్రం మూడు ముఖ్యమైన ప్రదేశాలలో దీపాలు వెలిగించడం వల్ల పితృదేవతల ఆశీస్సులు లభిస్తాయి.

*దక్షిణ దిశ: ఇంటి దక్షిణ దిశలో పితృదేవతల కోసం నువ్వుల నూనెతో దీపం వెలిగించాలి.

*రావి చెట్టు: రావి చెట్టు కింద దీపం వెలిగించడం వల్ల గ్రహ దోషాలు తొలగుతాయి.

తులసి: లక్ష్మీ అనుగ్రహం కోసం తులసి కోట వద్ద దీపం వెలిగించాలి.

English summary

On Mauni Amavasya 2026, performing special night-time rituals like Tulsi worship, charity, Shiva mantra chanting and lighting lamps for ancestors can remove poverty and attract prosperity, according to astrology.