బోర్డు తిప్పేసిన ప్రజా బ్యాంక్‌

హైదరాబాద్‌ః కృషి బ్యాంక్‌ బాటలో మరో కో ఆపరేటివ్‌ బ్యాంక్‌ బోర్డు తిప్పేసింది. సికింద్రాబాద్‌ లోని హస్మత్‌పేటలో వున్న ప్రజా కో ఆపరేటివ్‌ బ్యాంక్‌ ప్రజల నెత్తిన తొమ్మిది కోట్ల రూపాయల మేరకు కుచ్చుటోపీపెట్టింది. నెల రోజుల క్రితం వరకు కళకళలాడిన ఈ బ్యాంక్‌ కు కొద్ది రోజులుగా కనీసం సిబ్బంది కూడా రాకపోవడంతో పెట్టుబడి దారులు తీవ్ర ఆందోళన చెందుతున్నారు. ఇటీవలే ప్రధమ వార్షికోత్సవం జరుపుకున్న ప్రజా కోఆపరేటివ్‌ బ్యాంక్‌ తమ వద్ద తొమ్మిది కోట్ల రూపాయలు పెట్టుబడులు వున్నట్లుస్వయంగా ప్రకటించుకుంది.

కృషి బ్యాంక్‌ దోషులెవరా అని ప్రభుత్వం తల బద్దలు కొట్టుకుంటుండగానే మరో కో ఆపరేటివ్‌ బ్యాంక్‌ బోర్డు తిప్పేయడంతో పెట్టుబడి దారుల్లో ఆందోళన సృష్టించింది.