కోల్‌కత్తా: ఇంగ్లాండుతో మొహలీలో జరిగే తొలి టెస్టుకు భారత బ్యాట్స్‌మన్‌వీరేంద్ర షెహవాగ్‌ ఎంపిక ఏర్పడిన ప్రతిష్టంభనను తొలగించేందుకు భారత క్రికెట్‌ కంట్రోల్‌ బోర్డు (బిసిసిఐ)తో తటస్థ వేదికపై చర్చించేందుకు అంతర్జాతీయ క్రికెట్‌ మండలి(ఐసిసి) సంసిద్ధత వ్యక్తం చేసింది. శనివారంనాడు కౌలాలంపూర్‌లో బిసిసిఐ ప్రతినిధులతో చర్చలు జరపడానికి తాము సిద్ధమేనని ఐసిసి బిసిసిఐకి తెలియజేసింది.

కోల్‌కత్తా: ఇంగ్లాండుతో మొహలీలో జరిగే తొలి టెస్టుకు భారత బ్యాట్స్‌మన్‌వీరేంద్ర షెహవాగ్‌ ఎంపిక ఏర్పడిన ప్రతిష్టంభనను తొలగించేందుకు భారత క్రికెట్‌ కంట్రోల్‌ బోర్డు (బిసిసిఐ)తో తటస్థ వేదికపై చర్చించేందుకు అంతర్జాతీయ క్రికెట్‌ మండలి(ఐసిసి) సంసిద్ధత వ్యక్తం చేసింది. శనివారంనాడు కౌలాలంపూర్‌లో బిసిసిఐ ప్రతినిధులతో చర్చలు జరపడానికి తాము సిద్ధమేనని ఐసిసి బిసిసిఐకి తెలియజేసింది.

సమస్యను ఒక కొలిక్కి తెచ్చేందుకు ఐసిసి ఛీఫ్‌ ఎగ్జిక్యూటివ్‌ ఆఫీసర్‌ మాల్కం స్పీడ్‌ బిసిసిఐ అధ్యక్షుడు జగ్‌మోహన్‌ దాల్మియాతో నిరంతరం ఫోన్‌లో చర్చలు జరుపుతూనే వున్నారు.వీరేంద్ర షెహవాగ్‌ను ఇంగ్లాండుతో వచ్చే నెల 3వ తేదీ నుంచి మొహలీలో జరిగే తొలి టెస్టుకు ఎంపిక చేశారా, లేదా తెలియజేయాలని ఐసిసి బిసిసిఐకి 30వ తేదీ వరకు గడువు ఇచ్చింది. ఐసిసి ఈ విధమైన గడువు విధించడంసరైంది కాదని బిసిసిఐ అధ్యక్షుడు జగ్‌మోహన్‌ దాల్మియావిలేకరులతో చెప్పారు. పిచ్‌ వివరాలు, జట్టు కూర్పు తెలియజేయాలని అడగడం ప్రవర్తనా నియమావళికివిరుద్ధమని ఆయన అన్నారు. మ్యాచ్‌ జరిగే రోజు మాత్రమే జట్టువివరాలు తెలియజేయడం సంప్రదాయమని ఆయన అన్నారు. ఏ నిబంధన కింద జట్టువివరాలను ఐసిసి అడుగుతోందని ఆయన ప్రశ్నించారు.

ఇదిలా వుంటే, మొహలీ టెస్టుకు ఏర్పాట్లు జోరుగా జరుగుతున్నాయి. ఇప్పటికే 60 శాతం టికెట్లు అమ్ముడయ్యాయి.