ఉయ్యారు జన్మభూమిలో ఉద్రిక్తత

విజయవాడః కృష్ణా జిల్లా ఉయ్యూరులో బుధవారం ప్రారంభమైన జన్మభూమి కార్యక్రమంలో ఉద్రిక్తత చోటు చేసుకున్నది. రాష్ట్ర వ్యవసాయ శాఖ మంత్రి వడ్డే శోభనాద్రీశ్వర రావు పాల్గొన్న ఈ జన్మభూమి కార్యక్రమంలో సిపిఎం పార్టీ నేతలు రభస సృష్టించారు. ప్రజా సమస్యలపై మంత్రిని నిలదీశారు.

గత జన్మభూమి కార్యక్రమంలో ఇచ్చిన వాగ్దానాలను ఇంతవరకు నెరవేర్చలేదంటూ వామపక్ష నేతలు ధ్వజమెత్తారు. తెలుగుదేశం పార్టీ నేతలు వారిని అడ్డుకోవడంతో అక్కడ ఉద్రిక్త వాతావరణం నెలకొంది. భద్రతా సిబ్బంది వలయాకారంగా ఏర్పడి వడ్డేను అక్కడి నుంచి సురక్షిత ప్రాంతానికి తరలించారు.