• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మాటలు కాదు... చేతలు కావాలిః జస్వంత్‌

By Staff
|
Google Oneindia TeluguNews

ఖాట్మండూః మాకు మాటలు కాదు.... చేతలు కావాలని భారత్‌ తేల్చిచెప్పింది. మెహర్బానీ వ్యవహారాలకు స్వస్తి చెప్పి తీవ్రవాదులను నిర్మూలించే దిశగా పాక్‌ పటిష్ఠమైన చర్యలు తీసుకోవాలని భారత విదేశాంగ మంత్రి జస్వంత్‌ సింగ్‌ సార్క్‌ ప్రారంభ సమావేశం అనంతరం విలేకరులతో అన్నారు. పాక్‌ భారత్‌ తో స్నేహం కోరుకుంటే అంతకు మించి కావలసింది ఏ ముంది.... అయితే పాక్‌ స్నేహంలో నిజాయితీ ఎంత అన్నదే ప్రశ్నార్థకం అని జస్వంత్‌ సింగ్‌ అన్నారు. ముషారఫ్‌ వాజ్‌ పేయికి షేక్‌ హ్యాండ్‌ ఇచ్చినంత మాత్రాన భారత-పాక్‌ సంబంధాలు బాగుపడవు... ఇదేమీ పబ్లిక్‌ రిలేషన్స్‌ వ్యవహారం కాదని జస్వంత్‌ సింగ్‌ కటువుగా చెప్పారు.

కోట్లాది భారతీయుల మనోభావాల్ని దెబ్బతీసిన పార్లమెంటుపై దాడి సంఘటనకు బాధ్యులైన వారిపై పాక్‌ ఏం చర్య తీసుకుందనేదే ప్రధానం అని జస్వంత్‌ సింగ్‌ చెప్పారు. మా పైన తుపాకి గురిపెట్టి..... తీవ్రవాదాన్ని వదులుకోం.... అయితే మీరుమాత్రం మాతో చర్చలు జరపండి అనడం ఎంతవరకు సమంజసం అని జస్వంత్‌ సింగ్‌ అన్నారు. లష్కర్‌ -ఎ-తొయిబా, జైషే మహమ్మద్‌ లపై పాక్‌ కొన్ని చర్యలుతీసుకుంది. అయితే భారత్‌ లో పలు నేరాలు చేసిన వారికి ఇంకా పాక్‌ లో ఆశ్రయం లభిస్తునే వుందని జస్వంత్‌ అన్నారు. భారత్‌ పాక్‌ ల మధ్య చర్చలు ప్రారంభం కావాలంటే అందుకు అనుకూలమైన వాతావరణం ఏర్పడాల్సిన అవసరం వుందని జస్వంత్‌ ఒక ప్రశ్నకు సమాధానంగా చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X