విదేశీ మద్దతుకు ఎంపీల పర్యటనలు

న్యూఢిల్లీ: సీమాంతర ఉగ్రవాదంపై, జమ్మూ కాశ్మీర్‌పై భారత వైఖరిని స్పష్టం చేసేందుకు పాలక, ప్రతిపక్షాలకు చెందిన 40 మంది పార్లమెంటు సభ్యుడు దాదాపు డజను దేశాల్లో పర్యటిస్తారు. దౌత్యపరమైన చర్యల్లో భాగంగా పార్లమెంటు సభ్యులను వివిధ దేశాలకు పంపాలని ప్రభుత్వం నిర్ణయించింది.

పదేసి మంది సభ్యుల చొప్పున నాలుగు బృందాలుగా ఏర్పడి వారు విదేశీ పర్యటనలు చేస్తారు. విదేశీ పర్యటనలు చేసే పార్లమెంటు బృందాల్లో రాజ్యసభలో ప్రతిపక్ష నాయకుడు మన్మోహన్‌ సింగ్‌, సిపిఎం నాయకుడు సోమనాథ్‌ ఛటర్జీ, భారతీయ జనతా పార్టీ (బిజెపి) అధికార ప్రతినిధి వి.కె. మల్హోత్రా వున్నారు.

పార్లమెంటు సభ్యులు అమెరికా, బ్రిటన్‌, జర్మనీ, మలేసియా, ఇండోనేషియాల్లో, పలు మధ్య ప్రాచ్య దేశాల్లో పర్యటిస్తారు.
ఉగ్రవాదంపై పోరు చేసే విషయంలో పార్టీలకతీతంగా ఒకే మాటపై ఉన్నామని అంతర్జాతీయ ప్రపంచానికి తెలియజేయడానికి ఈ పర్యటనలు పనికి వస్తాయని బిజెపి అధికార ప్రతినిధి వి.కె. మల్హాత్రా బుధవారం విలేకరుల సమావేశంలో చెప్పారు.