హద్దుమీరిన పాక్‌ -ఆరుగురు సైనికుల హతం

శ్రీనగర్‌ః భారత పాకిస్తాన్‌ దళాల మధ్య సరిహద్దులో గురువారం జరిగిన కాల్పుల్లో ఆరుగురు పాకిస్తాన్‌ జవాన్లు మరణించారు. వాస్తవాధీన రేఖ వెంట వున్న ఛాత్రి పోస్ట్‌ ను స్వాధీనం చేసుకొనేందుకు పాకిస్తాన్‌ సేనలు చేసిన ప్రయత్నాన్ని భారత్‌ సేనలు సమర్థంగా తిప్పికొట్టాయి. ఈ సందర్భంగా గురువారం ఉదయం జరిగిన భీషణ సమరంలో ఆరుగురు పాక్‌ సైనికులు మరణించారని అధికార వర్గాలు చెప్పాయి. తెల్లవారుజామున నాలుగు గంటల ప్రాంతంలో భారత్‌ భూభాగంలో వున్న పోస్ట్‌ ను స్వాధీనం చేసుకొనేందుకు పాక్‌ సేనలు ప్రయత్నించి భంగపడ్డాయి.

ఇదిలావుండగా సరిహద్దులోని పూంఛ్‌ ప్రాంతంలో పాకిస్తాన్‌ మోర్టార్లు ప్రయోగించిన సందర్భంగా ఓ బాలుడు మరణించగా ఇద్దరు గాయపడ్డారు. పాక్‌ సేనలు జనావాసాలపై మోర్టార్లు గురిపెట్టడం ఆందోళన కలిగిస్తున్న అంశం.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!