హాంగ్‌కాంగ్‌లో దోపిడీకి గురైన ఇండియన్స్‌

హాంగ్‌కాంగ్‌: హాంగ్‌కాంగ్‌ గెస్ట్‌హౌస్‌లో ఇద్దరు సంపన్న వ్యాపారులు దోపిడీకి గురయ్యారు. వారి నుంచి పెద్ద మొత్తంలో ఆగంతకులు సొమ్ము దోచుకున్నట్లు పోలీసులు శనివారంనాడు పోలీసులు చెప్పారు.

పోలీసుల కథనం ప్రకారం- ఇద్దరు వ్యాపారవేత్తలు ప్రముఖ షాపింగ్‌ జిల్లా షిమ్‌ షా షుయి జిల్లాలోని డవున్‌ మార్క్‌ చుంగ్‌ కింగ్‌ మాన్షన్స్‌ గెస్ట్‌హౌస్‌ తమ గదిలో నిద్రిస్తుండగా శుక్రవారం తెల్లవారు జామున తలుపు కొట్టిన చప్పుడు వినిపించింది.

తలుపు తీయగానే ఇద్దరు చైనా వ్యక్తులు లోనికి దూసుకొచ్చి భారత వ్యాపారవేత్తలను బెదిరించారు; కొట్టారు; కట్టి పడేశారు. ఆ తర్వాత చైనా వ్యక్తులు పెద్ద మొత్తం సొమ్ము ఉన్న సంచిని ఎత్తుకెళ్లారు. ఇందులో దాదాపు రెండు లక్షల డాలర్ల మేరకు సొమ్ము వుంటుందని భావిస్తున్నారు.

గాయపడిన వ్యాపార వేత్తలను ఆస్పత్రిలో చేర్చారు. భారతదేశం తీసికెళ్లేందుకు వ్యాపార వేత్తలు ఆ సొమ్ముతో మొబైల్‌ ఫోన్లు కొనాలనుకున్నారు.