• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కాశ్మీర్‌ పాక్‌ రక్తంలో భాగం

By Staff
|
Google Oneindia TeluguNews

ఇస్లామాబాద్‌ః భారత్‌, పాకిస్తాన్‌ మధ్య శాంతియుత సంబంధాలు నెలకొనాలంటే కాశ్మీర్‌ సమస్యను అంతర్జాతీయ సంస్థల తీర్మానాలకు అనుగుణంగా పరిష్కరించడం ఒక్కటే మార్గమని పాకిస్తాన్‌ అధినేత జనరల్‌ ముషారఫ్‌ స్పష్టం చేశారు. పాకిస్తాన్‌ ప్రజలను ఉద్దేశించి శనివారం రాత్రి ఆయన ఉద్వేగంగా ప్రసంగించారు. పాకిస్తాన్‌ అధినేత హోదాలో భారత ప్రధాని వాజ్‌పేయి పేరును నేరుగా ప్రస్తావిస్తూ ఉభయదేశాల మధ్య శాంతి సామరస్యాలను నిజంగానే కాంక్షిస్తే కాశ్మీర్‌ సమస్య పరిష్కారానికి చిత్తశుద్దితో ప్రయత్నం చేయడానికి ముందుకు రావాలని కోరారు.

అదే సమయంలో పాక్‌ సర్వసైన్యాధ్యుని హోదాలో మాట్లాడుతూ, పాక్‌ తన సార్వభౌమత్వానికి భంగం కలిగించే ఎలాంటి చర్యనైనా తాము పూర్తి స్థాయిలో ప్రతిఘటిస్తామని ఆఖరు రక్తం బొట్టువరకు పోరాడుతామని జనరల్‌ ముషారఫ్‌ హెచ్చరించారు. పాకిస్తాన్‌ను అల్లాటప్పా దేశంగా తీసుకోవద్దని గట్టిగా హెచ్చరించారు. కాశ్మీర్‌ ప్రతి పాకిస్తాన్‌ పౌరుని రక్తంలో ప్రవహిస్తున్నదని ఆయన చెప్పారు. కాశ్మీర్‌ ప్రజలకు నైతికంగా, రాజకీయంగా తమ అండదండలు ఎప్పుడూ వుంటాయని ఆయన స్పష్టం చేశారు. ప్రపంచ దేశాలు, ఐక్యరాజ్యసమితి కూడా పూనుకుని కాశ్మీర్‌ సమస్య పరిష్కారానికి ప్రయత్నం జరపాలని విజ్ఞప్తి చేశారు. ఇతర దేశాల వ్యవహారాల్లో వేలు పెట్టడం తమ అభిమతం కానీ మతం కానీ కాదని ఆయన స్పష్టం చేశారు. ఆయన ప్రసంగ సరళని బట్టి అఎn్గాన్‌ విషయంలో ఏళ్లుగా పాటిస్తున్న విధానాలకు పాకిస్తాన్‌ ఇక స్వస్తి చెబుతున్నట్టుగా కనిపించింది. అంతర్గతంగా టెర్రరిస్టు శక్తులను, మతవాద శక్తులను అణిచివేయడానికి ఆయన అనేక చర్యలను ప్రకటించారు. మతవాదుల తయారీకి కేంద్రాలుగా మారాయని ఆరోపణ వస్తున్న మదర్సాలను సమూలంగా ప్రక్షాళన చేయనున్నట్టుగా ఆయన చెప్పారు. మదర్సాల్లో సైన్స్‌, గణితం వంటి శాస్త్రాలను కూడా బోధించి మదర్సాలనుంచి బయటకు వచ్చిన వారు మతగురువులుగా మారదల్చుకోని పక్షంలో కోరుకున్న ఉద్యోగం చేసేవిధంగా వారిని తీర్చదిద్దనున్నట్టుగా ప్రకటించారు. మసీదులను, ప్రార్ధనా స్థలాలను దుర్వినియోగం చేసే పద్దతులపై కూడా ఉక్కుపాదం మోపనున్నట్టుగా ప్రకటించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X