హైదరాబాద్‌ః ఇప్పటివరకు వున్న చౌక ధరల దుకాణాల స్థానే సర్వప్రియ పేరుతో కొత్త దుకాణాను ప్రారంభిస్తున్నారు. మార్కెట్‌ రేటు కంటే రెండు మూడు రూపాయల తక్కువ ధరకు మొత్తం పదహారు రకాల వస్తువులను సర్వప్రియ దుకాణాల ద్వారా విక్రయిస్తారు.

ఈ కొత్త దుకాణాల ఏర్పాటుకు సంబంధించి ప్రభుత్వం ఇప్పటికే ఉత్తర్వులు జారీ చేసింది. చౌక దుకాణాల్లో కేవలం ప్రభుత్వం సప్లయి చేసే వస్తువులను మాత్రమే విక్రయిస్తారు. ఈ కొత్త దుకాణాల్లో ఇతర కిరాణ వస్తువులను కూడా విక్రయిస్తారు. ఆ వస్తువులపై కూడా ప్రభుత్వం అమ్మకం పన్నును మినహాస్తుంది. అగ్గిపెట్టెలు, పామోలిన్‌, వేరుసెనగ నూనె, గోధుమపిండి, రవ్వ, మైదా, రాగులు, సజ్జలు, అయోడైజ్డ్‌ ఉప్పు, సాధారణ ఉప్పు వంటివి కూడా ఇందులో అమ్ముతారు.