కోల్‌ కతాః కోల్‌ కతాలోని అమెరికా ఇన్ఫర్మేషన్‌సెంటర్‌ పై మంగళవారం జరిగిన దాడికి బాధ్యులను గుర్తించేందుకు ముమ్మరంగా దర్యాప్తు సాగుతున్నది. ఈ దాడికి సంబంధించి ఇప్పటి వరకు 55 మందిని కోల్‌ కతా పోలీసులు అదుపులోకి తీసుకున్నారు. దాడికి బాధ్యుడైన వ్యక్తిని గురించి ఆరాతీస్తున్నారు. ఈ వ్యవహారంతో పాక్‌ గూఢచారి సంస్థ ఐఎస్‌ఐకి సంబంధం వున్నదా అనే దిశగా కూడా సిబిఐ దర్యాప్తు సాగిస్తున్నది.

ఇదిలా వుండగా మంగళవారం ఉదయం తీవ్రవాదులు అమెరికా ఇన్ఫర్మేషన్‌సెంటర్‌ వద్ద వున్న పోలీసులపై నిర్దాక్షిణ్యంగా కాల్పులు జరపడాన్ని ప్రత్యక్షంగా చూసిన వ్యక్తి ఇంకా ఆస్పత్రిలో చికిత్స పొందుతున్నాడు. ఆ షాక్‌ నుంచి ఆయన కోలుకోగానే మరింత సమాచారంసేకరించవచ్చునని పోలీసులు భావిస్తున్నారు.