నిర్యుద్ధ సంధికి భారత్‌ తిరస్కరణ

న్యూఢిల్లీ: దక్షిణాసియాలో నిర్యుద్ధ సంధికి, అణ్వాయుధ నివారణకు పాకిస్థాన్‌ అధ్యక్షుడుపర్వేజ్‌ ముషారఫ్‌ చేసిన ప్రతిపాదనను భారత్‌ నిర్ద్వంద్వంగా త్రోసిపుచ్చింది. ఈ ప్రతిపాదనల్లో నూతనత్వం ఏదీ లేదని కొట్టి పారేసింది. ముందు సీమాంతర ఉగ్రవాదాన్ని, ప్రచ్ఛన్న యుద్ధాన్ని ఆపేయాలని భారత్‌ పాకిస్థాన్‌ను డిమాండ్‌ చేసింది.

మొత్తం ప్రపంచంలోనే అణ్వాయుధాలు రూపుమాసిపోవాలనేది భారత్‌ వైఖరి అని,అందువల్ల పాక్‌, భారత్‌ల మధ్య అణ్వాయుధాల నివారణ జరగాలనే ప్రతిపాదనలోఅర్థం లేదని విదేశాంగ శాఖ సహాయ మంత్రి ఒమర్‌ అబ్దుల్లా అన్నారు.

నిర్యుద్ధ సంధి ప్రతిపాదనపై ప్రతిస్పందిస్తూ- 1947 నుంచి కూడా పాకిస్థాన్‌ భారత్‌పై కయ్యానికి కాలు దువ్వుతోందని ఆయన గురువారంవిలేకరులతో అన్నారు. నిర్యుద్ధ సంధి ప్రతిపాదనకు మారుగా పాకిస్థాన్‌ నో- టెర్రరిజం ప్రతిపాదన చేసి వుంటే బాగుండేదని ఆయన వ్యాఖ్యానించారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!