గంగూలీకి భద్రతపెంపు

కోల్‌కత్తా: కోల్‌కత్తాలోని భారత క్రికెట్‌ జట్టు కెప్టెన్‌ సౌరబ్‌ గంగూలీ ఇంటి చుట్టూ భద్రతనుపెంచారు. అమెరికన్‌ సెంటర్‌పై తీవ్రవాదులు దాడి చేసిన నేపథ్యంలోగంగూలీ ఇంటి చుట్టు భద్రతను పెంచారు.

దక్షిణ పరగణాల పోలీసు సూపరింటిండెంట్‌ దేవ్‌ కుమార్‌ గంగూలీ, పశ్చిమ బెంగాల్‌ పోలీసు డిజి దినేష్‌ వాజ్‌పేయి పాల్గొన్న ఉన్నత స్థాయి సమావేశంలో సమీక్షించిన అనంతరం నగరం దక్షిణ ప్రాంతంలో వున్న గంగూలీ ఇంటికి ప్రత్యేక భద్రత కల్పించాలని నిర్ణయం తీసుకున్నారు.

బెహలా ప్రాంతంలోని గంగూలీ బంగళాకు నలుగురు సాయుధ అధికారులతో పాటు తొమ్మిది మంది పోలీసులు 24 గంటలు కాపలా కాస్తారు. నగరంలో వున్నప్పుడు గంగూలీకి అదనపు భద్రత కూడా కల్పిస్తారు.